晚吹 – 讓我一次買個夠丨伍詠薇被插擺前輩款喧賓奪主 「苦主」練美娟幫口：其實伍姑娘……

ViuTV節目《晚吹 – 讓我一次買個夠》日前（16日）首播，節目由當奴和練美娟主持，第一集請嚟伍詠薇（伍姑娘）擔任嘉賓。一向口直心快嘅伍姑娘被部份網民猛烈批評，指佢「老屎忽」擺前輩款、反白眼嘴藐藐外同狂寸娟姐等等……網民替娟姐抱不平咁話，但噚日娟姐就出嚟為伍姑娘講公道說話。

同場加映：  蘇麗珊轉跑道做歌手要有強大心臟 負評不上心 感恩男友成最大後盾

{{hket:ul-video id="7408"}}{{/hket:ul-video}}

伍姑娘被指節目一開始已經寸寸貢，喧賓奪主自己一輪嘴講自己想講嘅嘢。伍姑娘喺開段公開自己的生活開支圖，兩位主持見佢住屋費佔最多，伍詠薇表示：「平時係唔夾（住屋費）㗎，有時我會畀下咁樣囉！」娟姐回一句：「隨心啦呢啲。」伍姑娘表現得唔耐煩反白眼表示：「呢啲係我嘅家事，唔關你哋事好冇？」當奴笑住打圓場：「呢個節目就係講家事㗎其實都，咁我哋唔講屋啦！講交通開支啦！」

{{hket:inline-image name="20230118182512_bcb37f5824896434991130460dd7cef75d64595d.jpg"}}{{/hket:inline-image}}

伍姑娘又分享自己的儲錢心得，喜歡用現金嘅佢會將銀紙排列整齊然後逐疊數，娟姐就回應話風水學上咁做會「招財」，伍詠薇就話：「你唔好多事啦！學埋個大頭鬼（Bob林盛斌）講啲嘢！」之後伍姑娘表示鍾意食兩餸飯，娟姐表示驚訝，又被伍詠薇鬧：「你而家咩態度呀？……你問我嘢時你唔准笑！」

伍姑娘好捨得花錢買內衣及睡衣，家中收藏近400多套，更拍咗一條片曬珍藏，伍詠薇表示好後悔冇着穿過呢啲睡衣影寫真，娟姐回應：「可咩惜啫，你咪而家着番再影囉！」伍詠薇就用背「得」住娟姐向當奴講：「佢唔好以為自己身材好過我，講埋啲咁嘅嘢。」娟姐即極力解釋：「梗係唔係啦，真係可以，有心唔怕遲！」並向當奴求救：「你講吖！你公道！」當奴就即搞笑扭耳仔表示：「對唔住對唔住，我打工㗎咋，sorry，我哋去下個環節啦唔該晒！」伍詠薇就講咗句：「你哋唔好嘈呀！」場面混亂又搞笑。

伍詠薇又教路收藏衣物方法：「搵膠袋包住囉，好似上鏈錶咁得閒拎出嚟，放下啲臭丸落去，又會揈下佢，啲臭丸唔好嘅話痴到會變黃㗎啲嘢，你知唔知呀阿女！阿練美娟！」娟姐即表示：「真係請教請教！」之後伍詠薇介紹一條早年買入嘅腰鏈，話自己當年好弗，更轉向娟姐問：「唔知你戴唔戴到呢，可？」娟姐被窒足全晚。

節目出街後有網民認為伍詠薇唔尊重兩位主持，尤其針對娟姐，甚至有人揚言要熄電視，留言：「真係無品」、「兩位主持勁尷尬」，又大讚娟姐專業，戥娟姐不值：「要畀個叻娟姐」、「娟姐呢集勁委屈，辛苦晒」。

不過都有唔少人力撐伍詠薇只係做節目效果：「伍姑娘好似咁多年都係搶口。」、「專登睇一睇，又其實無乜話寸唔寸，佢平時都係咁。」、「呢啲級數啲阿姐做呢啲嘢先有noise，伍姑娘都幾肯做，佢形象都係富貴八婆咁，唔突兀。」而「苦主」娟姐都出IG story幫前輩平反：「今日收到好多inbox，多謝大家對新節目咁留意，睇電視輕鬆啲。其實伍姑娘好nice對我好好，希望下次有機會再合作。」

圖片來源：影片截圖

撰文：娛樂組