有種好男人丨飛雲終揭田中先生係超級筍盤 黎學勤廣告型男轉行拍劇竟然面紅

劇集《有種好男人》雖然劇情有少少「大路」，不過角色各有個性，特別是李佳芯飾演的游游和陳自瑤飾演的飛雲，兩個角色比較突出有趣。飛雲昨日拎住男友田中直男（黎學勤飾）所送的名牌手袋，被認出是價值不菲的真貨，嚇得她誤以為田中直男做壞事偷回來，後來田中直男才向飛雲坦白，他外賣仔身份的背後是真正田中家族的成員，非常富有的名門望族。

同場加映：蘇麗珊轉跑道做歌手要有強大心臟 負評不上心 感恩男友成最大後盾

{{hket:ul-video id="7408"}}{{/hket:ul-video}}

《有種好男人》炮灰檔爆冷收視佳 李佳芯冇份直播宣傳惹網友憂心【下一頁】

{{hket:inline-image name="tri13.jpg"}}{{/hket:inline-image}}

{{hket:inline-image name="tri2.jpg"}}{{/hket:inline-image}}

{{hket:inline-image name="tri5.jpg"}}{{/hket:inline-image}}

今次飾演田中直男的演員黎學勤成功彈出，電視觀眾對他應該不太陌生，事關幾年前他6年前拍攝的Trivago旅遊網站廣告日播夜播，甚至令大家不認得他的名字，都會直接嗌佢做Trivago！黎學勤其實係叫Jeffery，2010年簽約模特兒公司入行，曾經接拍ViuTV多個旅遊節目，2021年加入邵氏兄弟，去年轉投TVB開始拍劇，除了《美麗戰場》用上他自己的名字演Jeffery有少少戲份之後，今次《有種好男人》算是較多戲份的一次。

{{hket:inline-image name="zmraGXaq2UP1wwZCzKrOKidD1l9MUpSfGsbGdhrGxnY.jpg"}}{{/hket:inline-image}}

Jeffery接受《晴報》電話訪問，對於獲安排飾演日本人，他表示：「今次演日本人喺初時係有障礙嘅，因為我唔係要扮得似日本人。喺頭幾場拍攝都未決定到田中係點，好在監製、導演一齊傾，田中先生喺田中集團做社長，咁佢要融入呢個社會，佢就應該學同埋用呢度嘅語言，順理成章將田中先生嘅設定就係講廣東話。我哋喺呢方面有共識之後困難出現，對白入面有少少日文嘅，又或者喺某啲地方我都好曳咁想加少少落去，我本身係唔識日文亦學唔切，就不斷用Google translate去聽個發音，再問學緊日文嘅朋友，朋友直情搵咗佢日本嘅朋友錄音俾我，我就盡力模仿嗰啲口音同語氣。」Jeffery早前出席宣傳活動，被陳自瑤（Yoyo）踢爆片場中極易面紅，所以女方都要多少少主動接觸Jeffery免去拍攝時的尷尬，他說：「面紅係我嘅老朋友嚟，根本冇離開過我，再者喺拍攝嘅時候每一位演員、每一個崗位嘅工作人員都係新朋友，咁我更加緊張，基本上一開口已經面紅。Yoyo真係幫咗我好多，因為佢會叫我一齊食飯，主動分享佢入行嘅經驗，同我傾偈，絕對幫助我加速融入環境。」

有種好男人︳Ali李佳芯戲內有觀音兵反映現實？ 冇咁好彩：唔鍾意會即時出聲【下一頁】

加入TVB之後，Jeffery接拍了《廉政狙擊·黑幕》同《美麗戰場》，「喺《有種好男人》有好多第一次，第一次拍廠景、第一次有感情線，仲幾多戲份添！」

劇中田中先生不介意地位差異，跟飛雲拍拖。而34歲的Jeffery現實生活中女友是模特兒林洛鍶，她曾經參選《2014香港小姐競選》獲得「最佳首飾演繹獎」和「最具智慧美態獎」，兩人拍拖多年，感情穩定，兩人不時在IG放閃。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉