Angelababy帶子返港睇BLACKPINK 被插崇洋媚外：中國人不哈韓

韓國女子天團BLACKPINK超人氣，現正全球進行巡演，香港站吸引許多演藝圈明星朝聖，不只有謝安琪、方皓玟，就連已經息影的李嘉欣都在台下拍「限動」開心上傳，久未於香港露面嘅Angelababy（楊穎）都唔執輸，同一班素人朋友去睇騷，但竟咁樣都引起內地網民不滿。

同場加映：洪永城組美滿家庭兼升呢做老闆 囡囡Amber腳粗特訓做舉重選手？

{{hket:ul-video id="7410"}}{{/hket:ul-video}}

Angelababy離婚後行蹤低調，減少社交平台發文，專心湊兒子小海綿。佢日前返港與好友睇韓國女團BLACKPINK演唱會，有網民捕獲Angelababy掃街，似乎想買魚蛋燒賣，打扮樸素仍難掩明星氣質，一眼認出。返香港睇騷都冇賣甩囝囝，有人見佢單拖湊住小海綿，唔經唔覺小海綿幾乎高到去媽媽嘅膊頭，只得5歲都咁高，睇嚟大個會高過爸爸（黃曉明身高177cm）呀！

{{hket:inline-image name="3.jpeg"}}{{/hket:inline-image}}

身為明星嘅Angelababy都有佢嘅偶像，曾經公開向G-Dragon示愛，都喜歡BLACKPINK㗎。最近中國解封，韓國實行嚴格禁令，更指出來自中國大陸的旅客入境時，要走專門通道並掛上黃色入境卡，引發兩地網民互罵；因此中國網軍認為Angelababy身為中國人不應「哈韓」，甚至怒批「喜歡戴著黃牌去韓國就去」。

不過都有唔少fans撐Baby，表示︰「楊穎去的是香港，又不是韓國」、「多少人想看都沒能力看，這些人是酸」、「看韓團就代表不愛國嗎」等等。

撰文：娛樂組

圖片來源：微博