翻Loop黃子華5年前歌神論影片 預告許冠傑將於今年在港開騷

現年74歲、人稱「歌神」的許冠傑，在2016年於紅館舉行一連三場《請✓許冠傑演唱會》，兩年前，他在尖沙嘴海港城舉行「2020許冠傑同舟共濟 Online Concert」，為同行業界及抗疫市民打氣。

同場加映：洪永城組美滿家庭兼升呢做老闆 囡囡Amber腳粗特訓做舉重選手？

{{hket:ul-video id="7410"}}{{/hket:ul-video}}

{{hket:inline-image name="245235207_135190248845142_3524383547712146144_n.jpg"}}{{/hket:inline-image}}

《2023許冠傑巡迴演唱會之馬來西亞站》將在2023年2月4日舉行，雖然未知香港站何時舉行，但大會今日發放一條片段，是「子華神」黃子華拍攝「樂壇解密」，細談「歌神論」，他在片中化身解密專員，以新聞報道形式，以「歌神」許冠傑去討論「神」的意義。不過這條片段，在5年前《阿Sam & 阿Tam Happy Together 演唱會》已經用過。

73歲許冠傑陪寶貝孫仔玩過山車 身形弗爆麒麟臂壯如32年前【下一頁】

黃子華表示：「神係需要由冇到有創造，許冠傑係創造咗粵語流行曲，許冠傑之前係有粵語歌曲，但係係唔流行。因為今時今日大家聽慣咗粵語流行曲，大家已經唔記得咗，喺許冠傑之前嗰啲嘅歌係點樣。我記得喺許冠傑之前，其中一首最流行嘅中文歌，係咁嘅『拎林文，長衫六，高腳七，一個大頭六，二三關，瓜老襯，輸到我木』就係一啲咁嘅歌，許冠傑係毫無先兆，忽然間發表咗一首《鐵塔凌雲》。《鐵塔凌雲》就好似愛因斯坦相對論一樣，冇人知道佢講乜，但有啲嘢，廣東歌，有啲嘢！」

疫情嚴峻丨許冠傑郭富城各捐2000套檢測包 李澤楷搵MIRROR做抗疫大使【下一頁】

{{hket:inline-image name="234535.JPG"}}{{/hket:inline-image}}

講到香港70年代的核心價值，黃子華指許冠傑以一句歌詞去表達，「『為兩餐乜都肯制，前世』，講晒，講完！喺樂壇，我哋成日會話一個歌手，遇到一首好歌，佢就紅咗，對許冠傑嚟講，係廣東歌遇到許冠傑，廣東歌就紅咗喇！70年代，許冠傑係好受歡迎嘅大明星，加上又係大學生，佢真係不得之了，佢唱廣東歌，係立即令廣東歌形象提升，改變咗原本廣東歌被人覺得粗俗嘅印象，結果令好多睇唔起廣東歌嘅人，開始鍾意聽廣東歌，一直就鍾意到今日！各位，神係咁嘅意思！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】