陳奕迅尾場唱《大個女》搞喊愛女 自爆腳痛喉嚨腫擔心衰收尾

陳奕迅（Eason）27場跨年演唱會《FEAR and DREAMS》昨晚圓滿結束，尾場歌迷應援驚喜送Eason萬人大合唱《天下無雙》，令他感動得眼濕濕；Eason在Encore環節唱出《大個女》贈愛女康堤（包包），令台下的包包淚崩變「喊包」，邊聽歌邊拭淚。

同場加映：洪永城組美滿家庭兼升呢做老闆 囡囡Amber腳粗特訓做舉重選手？

{{hket:ul-video id="7410"}}{{/hket:ul-video}}

陳奕迅昨晚演唱會尾場，有不少圈中好友捧場，包括梁漢文、劉浩龍、關智斌及鄭希怡等，而Eason父親陳裘大、太太徐濠縈及女兒康堤亦到場支持。Eason連唱多首經典金曲，當唱完《我們萬歲》後跟大家講多謝後，準備飲水時，台下忽然響起哨子聲，嚇了Eason一跳︰「小息完？係咪我阿媽？我阿媽好鐘意帶個哨子出街。」聽到全場大合唱《天下無雙》，Eason眼泛淚光說︰「多謝，你哋好震撼。」然後向台下三面台鞠躬。

{{hket:inline-image name="DL1U8396.JPG"}}{{/hket:inline-image}}

{{hket:inline-image name="103.jpg"}}{{/hket:inline-image}}

Encore部分，Eason按他27年來的出歌順序，分別唱出《人啊人》、《暴殄天物》等，亦包括獻給父母的《單車》及為女兒而寫的《大個女》，唱完《單車》後，Eason發表愛的宣言︰「我愛你爸爸媽媽，我都愛我老婆同女。」然後低聲道︰「咁我都愛我老婆，哎呀唔好講啦，佢哋唔興呢味，太肉麻，哈哈……..」繼而《大個女》音樂響起，台下康堤即時眼紅紅，還邊聽邊抹眼淚，唱畢歌曲，Eason窩心向女兒做了一個心形手勢，場面溫馨感人。之後Eason續說︰「我到48歲有唔少新體驗，唔知幾時開始愛上承傳兩個字，最好係一啲好嘢，希望可以承傳落去畀下一代，唔好嘢都會出現，希望佢地學到咩叫好，咩叫唔好。其實做人真係唔使諗太多，只要你用個心，真誠分享，有愛就好。」最後Eason揀了《歌．頌》一曲為演唱會作結。

{{hket:inline-image name="102.jpg"}}{{/hket:inline-image}}

Eason於完騷後受訪，他坦言被尾場觀眾所感動，又指人大了很容易哭，對於能夠完成整個騷，他自爆前幾天因轉天氣以至喉嚨腫，而前一晚又睡不好，而之前又腳痛，曾一度擔心「衰收尾」，他稱︰「好在把聲唔係好沙，鬆咗一口氣。」對於康堤聽他唱出《大個女》時忍不住喊，Eason稱︰「佢成日喊，好感性。（係咪似你？）我反而好少喺人面前喊，我只會帶歡樂同憤怒畀大家。（好耐無攬太太同囡囡？）佢哋做咗核酸，開騷前攬咗。」Eason為了防疫，開騷前已入住酒店，他笑言已住慣酒店，可能未必會回家，若不幸確診，他笑指︰「中咗會休息，身邊所有人都中過，得我無中，就知我有幾多朋友同幾宅，其實我好小心。」

{{hket:inline-image name="101.jpg"}}{{/hket:inline-image}}

撰文：倪小珊