郭碧婷單方面取消關注老公IG 向佐屢傳出軌妻獨自帶子女回港

郭碧婷與向佐2019年閃婚，婚後全力造人，女方3年來喺台灣先後為向家誕下一女一仔，而奶奶向太一直對郭碧婷寵愛有加，為向家「開枝散葉」更加係重重有賞。郭碧婷看似過住幸福少奶奶生活，但向佐早前被指出軌而開始不停傳出婚變。

去年7月，向佐喺老婆啱啱生完第二胎時，被影到帶女人返北京愛。事後夫妻二人一直都冇回應過，向佐甚至人間蒸發，仲貫徹一貫做法由向太做代表全力「洗太平地」，不過揞得住網民把口，都似乎挽救唔到。日前郭碧婷有唔少「動作」，令婚變傳聞更加似層層。

{{hket:inline-image name="005xcrndgy1g77686bcxmj30u0190k0x-1569219129.jpg"}}{{/hket:inline-image}}

郭碧婷日前被影到素顏坐私人飛機前往香港，神情憔悴嘅佢只有保母隨行，一樣冇見到向佐。扺港後，又發現郭碧婷「取消關注」向佐IG，但向佐仍有follow老婆。有人猜測女方一直都冇追蹤男方，二人沉默令傳言甚囂塵上。

好耐冇公開現身嘅向佐之前缺席女兒「小奶皇」嘅慶生party、兒子「龍眼」嘅百日宴；對此向太則澄清，係台灣政府唔發簽證，兒子先無法赴台相聚。不過去年12月向華強喺杭州舉行嘅74歲壽宴，同樣唔見向佐身影，唔知真係以為郭碧婷係單親媽媽。

向佐被爆料疑似出軌，郭爸爸第一時間力撐女婿，不過隨即刪網上文，兩天後郭爸爸突然炮轟向佐「那個亂來的」。睇嚟一切都要等最高發言人向太陳嵐一搥定音。

圖片來源：微博