黃翠如洪永城心靈相通同步甫合照 再次被指「戀人未滿」無奈回覆

藝人洪永城和黃翠如相識多年，二人由有線合作到去無綫（TVB），曾合作主持《走過浮華大地》、《走過浮華大地 亞洲篇》以及電視劇《愛我請留言》等，係外人眼中嘅金童玉女，雖然二人多次澄清只係朋友關係，但就仍然被指係一對。直至蕭正楠2018年宣布已同黃翠如結婚，洪永城後來又同梁諾妍（Inez）結婚，二人緋聞先畫上句號。不過日前二人同步甫相，又再令網民嘅幻想小宇宙大爆發。

同場加映：  萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈

{{hket:ul-video id="7377"}}{{/hket:ul-video}}

上周日TVB《萬千星輝頒獎典禮2022》洪永城同黃翠如撓手合照，黃翠如發文表示：「看着這張相片，不知為什（甚）麼，有一種感覺是開學了，也有一種感覺是畢業了。」並標註「#家人」。洪永城見到都第一時間留言：「Post almost the same time .😝（幾乎同一時間貼文。）」翠如亦回應：「你贏咗小小。」

{{hket:inline-image name="324265812_1384406342364999_3651526817990353946_n.jpg"}}{{/hket:inline-image}}

唔少網友留言讚兩人襯到絕：「你兩個真是好襯」、「永遠的最佳CP」、「襯到無話可說」；更加有人留言：「有種感覺友達之上戀人未滿。」翠如就好無奈咁回應呢位網民：「又玩呢啲😂」

不過其實唔少網民都有同感，討論區唔少人都認為二人各有家庭，男女有別原則下都應該保持距離：「有冇諗過人哋老婆嘅感受」、「打死唔信佢兩個冇嘢啦。」、「成日都畀人感覺黃翠如係世上最了解洪永城嘅人。」不過其實Inez就好大方，仲喺翠如嘅post留言嘲笑老公：「個頭真係好大好大好大。」翠如都回應：「佢最大優點，所有女仔喺佢隔籬都會靚咗。」

其實黃翠如都唔係第一次被網民鬧「過界」，洪永城2021年宣布結婚時黃翠如寫下祝福文，文中黃翠如稱呼洪永城為「洪大笨」，語氣親密令網民有唔少幻想，指佢話中有話。

重溫黃翠如長文：

「洪永城，終於等到這一天。

對着這個笨城，總有說不出的感受，一起成長互相關懷的時間不多，互相吵架的時間卻太多。

然後進入TVB，一起經歷完全不同的工作環境，一起捱着批評，一起變得更加強大。

記得有一些日子，我成為雜誌封面常客，那些標題令我感到很難受，然後這隻大笨說要幫我出聲，要寫甚麼驚世的反擊，當然最後我撳住了他（他也有可能只是說說），然而，那是我第一次感受到這位大笨也懂照顧人。

到後來，我發現他很會照顧別人，就是對我特別差，所以我怎會不討厭他……

Inez, you are the one, 感激你接收他，雖然他有太多缺點，又污糟又煩又大男人，脾氣又差，又冇交帶，好多諗法但好少實行，話減肥個肚腩永遠喺度，每本書睇頭三頁當睇咗……但係你唔要佢，冇人要佢了。

記住，如果洪大笨蝦你，我一定幫你搞掂佢。

祝福兩位我愛的人。」

圖片來源：Instagram