《好心情經理人》｜陳啟泰憶在無綫8年等上位等到悶 過檔亞視憑《百萬富翁》發圍做一哥

陳啟泰（Ken）近年受到疫情影響，多留港工作，最近他接受DJ李志剛的節目《好心情經理人》訪問，講述自己入行經歷及現況。

同場加映：洪永城組美滿家庭兼升呢做老闆 囡囡Amber腳粗特訓做舉重選手？

{{hket:ul-video id="7410"}}{{/hket:ul-video}}

{{hket:inline-image name="TUNGSTAR6005633_600.jpg"}}{{/hket:inline-image}}

出生於小康之家的陳啟泰，家中有4兄弟，是家中排行最小。他說：「嗰時我老竇恨女，想追女，我媽喺生咗三哥之後隔咗8年先有我。我好好彩，係金菠蘿（受長輩溺愛）嚟。我出世之後老竇事業蒸蒸日上，都好腳頭。」他在港讀書到15歲，就去加拿大留學，讀完大學就返香港。

講回入行契機，陳啟泰早在1988年參加香港電台「聽歌學英文」歌唱大賽贏得亞軍。他一直想入娛樂圈發展，先是加入製作公司做PA，因而認識電視台的幕後人員，在穿針引線下，他得償所願加入TVB，一開始是主持早晨節目，之後參與多部電視劇及電影的演出。李志剛大讚陳啟泰好適合做《香港早晨》，表示：「你講中文、英文都冇懶音！」陳啟泰憶起在節目訪問了不少猛人，「《虎膽龍威》導演、《加菲貓》創作者...佢哋視《香港早晨》為一個頗有文化嘅節目。」

{{hket:inline-image name="2_600.jpeg"}}{{/hket:inline-image}}

之後陳啟泰轉型為演員，開始拍劇。他表示當時多演男朋友這類角色，自嘲是「御用男朋友」，「曝光係幾高，以前同自己講成日著西裝，去廁所都係著西裝，定型得太緊要嘞！」問到之後為何離開TVB去亞視？他解釋：「等咗8年等上位，一直等到悶，個人又心急。嗰時簽咗出面嘅經理人，用《我和殭屍有個約會》個劇本去簽，一簽就10幾年。」

在1998年過檔亞洲電視後，陳啟泰拍攝《我和殭屍有個約會》，演技受到觀眾注目，「山本一夫呢個人物好大變化，好好演。表面上係壞人，實際上係有血有肉。」而他在擔任《百萬富翁》主持人後，達到人生中的其中一個高峰，稱︰「《百萬富翁》之後，有人叫我ATV一哥！我諗高層揀我係因為我夠木獨，好多人話我係木頭人，其實自己有時都會玩gag幽默啲。」

去年，陳啟泰客串接拍了3齣港產片，keep住有工開的他表示：「自己人生都算順風順水，所以我唔係好受得挫折。雖然唔係大紅大紫，但一路都有嘢做，搵到食，又買到樓。而家生活幾舒服，呢幾年都冇得返內地工作，好彩香港都有戲拍。」

{{hket:inline-image name="30742342_2011476745731006_2745505432482086912_o_600.jpg"}}{{/hket:inline-image}}

靠《百萬富翁》供斷層樓│陳啟泰被爆係愛妻號常電話報到 與鋼琴名師陳懿恆結婚22年超恩愛【下一頁】

撰文：娛樂組

圖片來源：Facebook、網上圖片