楊思琦遭內地演員用槍插眼 痛到標眼水：爭一毫米就出事

近年留在內地發展的楊思琦，昨日在IG上載左眼受傷片段，聲稱這並不是特技化妝，她遇到了意外，眼部受創；幸而傷及眼角位置，若果稍為高些少，她很大機會變成「獨眼龍」。

{{hket:inline-image name="240408716_527610278296439_1062991577702859949_n.jpg"}}{{/hket:inline-image}}

{{hket:inline-image name="01102002.jpg"}}{{/hket:inline-image}}

同場加映：萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈

{{hket:ul-video id="7377"}}{{/hket:ul-video}}

《晴報》今日成功聯絡上思琦，原來她正身處內地拍攝《獵毒》系列網絡電影第三部《破冰》，飾演緝毒大隊長洪天照（洪金寶細仔）的太太，劇情講她被壞人擄走，被人用槍指住太陽穴威嚇，結果發生小意外，可能該內地演員太過投入，情緒又高漲，道具手槍不慎撞到思琦眼部，而不幸中之大幸是，傷及眼角和眼肚而非眼睛。

楊思琦細仔撞頭「起樓」慘豬爆喊 「虛擬老公」安撫Kody意外現身？【下一頁】

思琦在電話憶述受傷過程：「當時對手力度好猛，場戲講我被人擄走，被人用槍指住魂精，大家情緒好高漲，內地演員指我魂精變指隻眼…當時我感到槍頭好快！好大力！無情力真係好危險，爭一毫米就出事，又唔敢嗌出聲，因為導演未cut機，要繼續做戲。拍完之後痛到標晒眼水，成塊皮紅晒，嗰吓痛係由眼球拖到去眼尾，真係好痛！」

楊思琦打第一針新冠疫苗曬針口 背脊驚現大片瘀青惹網民擔心【下一頁】

工作人員即場用冰幫她敷眼，之後竟然繼續拍，「劇情講我被綁住，繼續拍咗4個鐘先完，以前拍戲未試過咁樣。（收工即刻去睇醫生？）冇！因為冇表面傷口，加上第二日又開早，都係搽藥膏消腫，而家都見到黑晒，化妝都未必遮到…之後點樣繼續拍，呢啲就留番電影公司去諗。」

（↓點擊放大睇圖片↓）

提到家人知道後一定很擔心，思琦話：「阿女都有嚇親，有問媽咪咩事…我有成年時間冇返香港，好掛住屋企同小朋友。（新一年有何計劃？）未來一年都係努力工作，她想返香港陪屋企人過年，但係拍完可能仲有商演工作，到時再睇時間點安排。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】