陳宇琛榮升爸爸掃風沖涼瓣瓣掂 新手神隊友好幫得手父愛滿瀉

陳宇琛（Sam）同太太林佑蔚（Camille）去年報喜成功懷上小公主，上個月21號囡囡搶閘報到，喺媽媽肚入面住咗9個月就出世。Sam在社交平台分享好消息，並上載一家三口手疊手的合照。榮升爸爸嘅Sam相當興奮，連日嚟都有分享佢嘅湊B點滴，唔少網民大讚佢短短幾日就手勢嫻熟，認真係神隊友呀！

同場加映：曾比特牛下成長培養樂天性格 爆炸頭彈走負評成招牌標記

{{hket:ul-video id="7368"}}{{/hket:ul-video}}

Sam post出佢第一次為囡囡洗頭嘅短片，表示太太雖然又攰又要餵人奶，但都為佢同BB捕捉到珍貴嘅片段。仲話囡囡Luna而家好很喜歡沖涼添！片中見到只得保溫瓶咁大嘅囡囡好合作呀，當爸爸抹到佢頸仔時佢仲對住爸爸笑添，冧到爸爸女兒傻瓜上身，慈父樣出晒嚟；而Sam嘅手勢都好純熟，一啲都唔似新手呀！

{{hket:inline-image name="315558278_672455614269047_7327035534467955815_n.jpg"}}{{/hket:inline-image}}

其實Sam唔止沖涼幫到手，之前佢仲post為BB掃風嘅片段，相信真係幫輕咗太太好多！唔少人都大讚佢係神隊友：「爸爸都好熟手喎，叻」、「好溫柔嘅爸爸」、「100分啊Daddy」、「好爸爸！好老公」、「有一個好隊友幫手真係爭好遠。」

Sam是圈中型佬石修的獨子，2003年以星二代身分入行，第一齣參與的劇集係《當四葉草碰上劍尖時》，之後拍過《妙手仁心III》、《通天幹探》、《烈火雄心III》及《飛虎》等劇集，可是人氣始終一般。至2014年離開轉投港視（HKTV），拍過《導火新聞線》及《三面形醫》等，但港視後來不獲續牌減產，一度令其藝事業停滯下來；直至2020年接演ViuTV《男排女將》，飾演對「家瑜」鄧麗欣一往情深的「黃金Sir」，令外界對他再次關注起來。

對於事業的起起跌跌，Sam入行第18年，今早在IG大爆多年經歷，稱以「星二代」身分入行，很多人以為是一條捷徑，實際上卻是好艱難的路，感到自己好似被人一直批判，加上外間對他存有好大期望。佢又曾經大爆當年人工只得8千元，月尾試過銀行戶口只得1、2百元，當時拍咗拖7年嘅未婚妻更要取消婚禮，感情、事業都失敗令佢跌入谷底。Sam過檔港視後事業見曙光之外，亦認識到現時太太Camille，2年後求婚成功，並於2017年在蘇格蘭舉行古堡婚禮。

撰文︰娛樂組

圖片來源：Instagram