小儀第二度「發育」變Model身形 九頭身美人加大長腿比例完美

現年52歲嘅DJ兼演員阮小儀（小儀）一向出名係全行最「嬌小玲瓏」，身高只有148cm嘅佢拍喺邊個隔籬，對方都會當堂變成巨人。而佢都靠呢個可愛形象打滾演藝圈多年，觀眾緣都非常之好！不過已經年過半百嘅佢日前竟然第二度發育，高到變咗九頭身，朋友們都非常驚訝呀！

同場加映： 娛樂 • 劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

{{hket:inline-image name="6fd1424e4ce02f4b9ce7bea10a220bf0.jpg"}}{{/hket:inline-image}}

小儀上載咗一張去睇Miffy展覽嘅相，留言：「同Miffy有一個相似地方，就係我哋都側頭。」相中小儀着上色彩繽紛嘅上衣同一條格仔長褲，側晒頭擺post，好kawaii！佢仲擺出少女最愛嘅前後腳pose，當堂有拉長相腳效果。不過pose都不足以令佢原本148cm嘅身高變成170cm嘅九頭身美人，細看之下見到小儀變咗「雪山大腳八」，相信係朋友就低炒角度，再加埋魚眼鏡頭做出嚟嘅攝影效果，真係超級「專業」呀！

唔少朋友都見到小儀變成42吋長腿呢個異象，紛紛留言：「快高長大！」、「大長腿！」、「顯高。」、「對腳長到！」相信咁多位朋友都估唔到有生之年可以見到高大版嘅小儀而非常詫異。不過其實小儀一直都「受惠」於佢呢個可愛身高，可能生嬌小嘅人睇落特別細，小儀依家嘅外貌同三十幾歲時分別都不大；而佢拍喺佢萬年拍檔森美嘅身邊時，更加令人有一種好想為佢出頭嘅感覺添，非常得人喜歡。