呂方陳友兩師叔姪聊殭屍片 憶王小鳳出場即毛管戙

呂方與陳友的相遇，除了談音樂，兩人竟以師叔師姪相稱，事緣在上世紀80至90年代，港產片掀起殭屍片熱潮，而林正英在殭屍片扮演道長角色，形象更是深入民心。呂方在電影《靈幻先生》飾演九叔（林正英 飾）的徒弟「大寶」，而陳友則在電影《殭屍先生》飾演九叔的師弟「四目道長」。

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

{{hket:inline-image name="50.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

陳友最近亮相由呂方主持的網上清談節目《天「方」夜談》時，聊起跟陳友的淵源，他說：「你都拍過唔少殭屍片，我都拍過幾部。」陳友說：「我係林正英嘅師弟，你應該係佢嘅徒弟，你好似被王小鳳咩咗（兩人曾在《殭屍翻生》合作）！」還記得王小鳳在電影《殭屍先生》飾演女鬼「董小玉」，她出場迷惑踏單車的錢小豪時，在插曲《鬼新娘》配襯下，這畫面至今仍令觀眾難以忘記，呂方說：「係咪『他的眼光，他的眼光』嗰隻？王小鳳出嚟嘅時候，氣氛營造得好犀利，直情毛管戙！」陳友稱有份參與這首歌曲的創作。

呂方親子裝為餅印寶貝女慶生 Emma臉圓圓 單眼皮 好可愛【下一頁】

呂方在3月4日至5日假紅館開演唱會，陳友大讚其歌藝高超，「我真係鍾意聽你唱歌，控制聲線方面有才藝。唱得好，唱得真誠，唱到觀眾打冷震，就唔係好多個，呂方係有咁嘅水平嘅香港歌手，我唔講譚校長（譚詠麟）得唔得，唔講B哥（鍾鎮濤）得唔得，我覺得你得！」呂方指他們都是自己喜歡的前輩，還即場唱了兩句《彎彎的月亮》送給陳友。

【流行經典50年】陳友為搵食長期做遠距離夫妻 難忘太太患重病瀕死成人生低潮【下一頁】

{{hket:inline-image name="51.JPG"}}{{/hket:inline-image}}

呂方育有兩歲多大的女兒，他向已「爺爺級」的陳友請教照顧小朋友的心得，陳友播放手機內的一條段短片，早前赴美國探望兒子一家人時，他與孫仔玩耍，不亦樂乎，笑說：「你同我差好遠，級別唔一樣，我係祖父級，冇責任，齋玩齋縱，你係爸爸，責任重大。」呂方點頭說：「係喎！唔怕啦，一個夠晒數，都唔好生咁多，幾辛苦，試過喺佢個幾月（大）時，夜晚喊要抱佢，我以為平時有做運動冇問題啦，點知我條腰硬咗，抱咗個幾鐘，好辛苦，生多個都唔會喇...應該...」陳友語重心長說：「送你一句，千祈要辛苦，如果唔係第日會遺撼，好似我咁，因為我冇理個仔咁多㗎，喺佢2歲嘅時候，老婆移民美國，我就喺香港拍戲、唱歌，嗰段日子我哋冇乜見...」呂方說：「所以我而家咪好幸福囉！成日見住佢，加埋疫情影響，冇咩嘢做，日日見住，好開心呀！」

{{hket:inline-image name="52.JPG"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】