自私播毒︳全家確診 父母照出街+約朋友 仔女勸阻反被鬧：周街都陽性

本港疫情持續，每日確診數字仍未有回落跡象。近日有網民指自己全家確診，惟父母因一原因而不願乖乖隔離。事主打算為父母申報，卻被他們「鬧返轉頭」，令他感相當頭痕，遂詢問一眾網民，「有咩方法令佢哋乖乖隔離？」

同場加映：
Sick問識答︳提子包、吞拿魚包較健康！​營養師：2類麵包熱量高易肥

{{hket:ul-video id="7330"}}{{/hket:ul-video}}

一名網民於本月1日在「香港討論區」以「確診後出街」為題發文，表示近日全家確診新冠肺炎，但其父母不願意乖乖隔離，更外出散步及相約朋友聚會，原因為「周街都陽性，好多人中咗都唔申報」，令事主大表無奈。

事主續指自己曾打算幫他們申報，但卻被父母「鬧返轉頭」，表示「唔想困喺屋企」。事主直呼「睇唔過眼」，遂向一眾網民求救，

「請問有咩方法可以令佢哋乖乖的隔離？」

網民斥自私

帖文引起討論，不少網民直斥事主父母自私，「樓主冇畀父母影響到算好好啦！唔係就成家都係自私精」、「真係自私冇公德心」、「中了還是要申報和嚴守居家隔離令，唔申報仲四處去，被發現或被舉報，可能會惹官非」，有人建議事主「偷偷用佢哋的手機申報」。

雖然政府於上月尾放寬防疫措施，密切接觸者無須再接受強制檢疫，惟確診者仍需申報及接受隔離；違反隔離令屬刑事罪行，最高可被罰款10,000元及監禁6個月。

U Lifestyle App睇盡《晴報》新聞資訊及自家節目
↓↓同步更新、更快更順↓↓ 
【免費下載】 

每朝索取《晴報》：精明生活．健康家庭．開心娛樂

撰文：陳潔雯