《愛回家》｜「食屎陳師奶」孫慧蓮被劉鑾雄點名 演諸事喱入型入格：多謝劉生記得

富商劉鑾雄（大劉）在前日（3日）開記者會時曾提及他每晚都睇TVB處境劇《愛·回家之開心速遞》，又搞笑指在商場拍片者似「食屎陳師奶」：「我晚晚食飯冇嘢做睇《愛回家》，入面有個叫食屎陳師奶，呢個係諸師奶、八師奶，佢攞電話影緊我相，我冇嬲佢，啲人層次係咁……當我（諗到）影到呂麗君即係呂姵霖我就好嬲！因為我唔想畀人見到而誤會造謠，話我哋行商場復合。」 

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

{{hket:inline-image name="2_600.jpeg"}}{{/hket:inline-image}}

《晴報》今晨聯絡到身在三藩巿的「食屎陳師奶」孫慧蓮 (孫老師)，問到她可知自己在《愛‧回家》的角色被劉鑾雄點名，她就表示：「劉生提到我個角色，我覺得好好彩…自己唔怕死乜嘢角色都肯做，食屎陳師奶要好倀雞、潑辣，以前自己做過學校訓導主任都惡過，可能幫到我。(有甚麼話想向大劉講？) 佢呢啲大人物，我識佢佢唔識我，多謝劉生記得陳師奶呢個角色，咁捧我場，我睇新聞記得佢以前成日同媽咪去福臨門食飯，係一個孝順仔。」

她又指在新聞傳出後，不少學生也傳送了大劉的一個半小時訪問片段給她。孫老師稱：「太長我無去睇，淨係知劉生意思係畀人影畀人屈。」而提到她在《愛回家》中「食屎陳師奶」的角色深入民心，孫老師好開心，說：「自己都跑龍套多年，一向都會盡力做。我確實喺《愛》劇學咗好多嘢，劇組入面個個相處融洽，呂慧儀、湯盈盈都好錫我，自己有時拍攝走錯位佢哋都好鼓勵我。」

{{hket:inline-image name="14.jpeg"}}{{/hket:inline-image}}

問到可希望在《愛回家》劇中惡搞大劉在商場被拍的一幕，孫老師笑言：「呢啲要睇編劇，唔係我主意，我有多少戲份都要睇TVB，如果收視再高可能畀多啲戲我，不過返港後都未知幾時有工開。」她又透露去年11月已赴美，此行在當地過聖誕、新年及農曆新年，預計下月2日回到香港。孫老師稱：「我以前每年都會過美國探兩個女同孫仔、孫女，因為疫情3年無嚟，今次就請假留耐啲。」

劉鑾雄記者會丨大劉經常被「屈」有創傷後遺症 與呂麗君同行乃皇室堡發火主因【下一頁】

圖片來源：受訪者提供、截圖、網上圖片

採訪：梁紹明