唐寧孖愛犬移民家人隨後到 保持童顏：唔介意臉上有皺紋

現年41歲的唐寧去年在網上透露已移民紐西蘭，可是身邊不見她的一對仔女，只得愛犬藏獒同行。日前唐寧透過網絡接受身在加拿大的李婉華訪問，承認家人遲些才會過去，她正努力裝修居住的新屋，所有事情會一步一步處理。

{{hket:inline-image name="01041001.jpg"}}{{/hket:inline-image}}

{{hket:inline-image name="01041002.jpg"}}{{/hket:inline-image}}

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

唐寧這次同藏獒一齊出鏡，透露揀紐西蘭的原因是氣候跟香港接近，適應生活是好簡單，「以前喺香港係好『宅』喺屋企，尤其喺疫情時間，基本上你想出去都好難，嚟到呢度就不如出去多啲，認識吓呢個世界，又可以拍片同大家分享呢度風景或人嘅生活。（有甚麼吸引地方？）風景就一定，喺香港時就已經好鍾意大自然，我都係住新界嘅村屋，已落下種子鍾意呢啲環境，當然話去第二度生活唔係一、兩年突然去決定嘅事，係用好長時間去決定，亦去過唔同地方，嚟到呢度除咗畀佢大自然吸引，見到當地人嘅氣氛同生活模式，就好想我嘅『中半場』（人生）可以去體驗吓，所以著手去呢度嘅計劃。」

40歲唐寧帶愛犬離港移民過半遊牧生活 拍片賞櫻瞓草地 估佢喺邊？【下一頁】

問她是否暫時自己先過去生活？唐寧話：「係呀，呢一刻就我同佢（指愛犬藏獒），所以佢係好重要，家人就下一步嘅事，我都需要好多時間去搞，所以唔好催我，我會一步一步咁嚟。（適應紐西蘭生活？）可能自己嗰行算容易適應，拍嘢都會去唔同地方，講真生活又係另一樣嘢，就係要硬住頭皮出去同人哋傾偈，唔識就問，好多嘢只係你唔去問、唔去學。」唐寧不怕當地冇演藝事業，令其生活變得平淡，皆因平淡是她追求其中一樣事情，但強調自己並不是退休，仍會接不同工作，YouTube頻道是她事業上的新嘗試。

（↓點擊放大睇圖片↓）

提到個人開設的YouTube頻道，她表示：「其實我係幾慢又幾懶嘅人，如果唔係有呢班同事，有啲喺香港，有喺呢邊嘅，佢哋一直鼓勵我出片，真係做咗呢件事係幾開心，因為可以同大家有好多互動，會有好多人同我講嘢，會因佢哋講嘅嘢而再拍其他嘢，呢個係以前做演員唔會感覺到嘅嘢。（觀眾鍾意睇真實的你？）同事話我啲甩轆嘢好笑，應該放大嗰啲位，話我個人有時就係咁懵懵哋，有時又好似幾搞笑，其實要攞呢一面出嚟去畀觀眾睇，去重新認識我。（有些瑕疵才覺真實？）係，我更加無得呃，我嘅歲數同埋細個嘅樣係人都知，如果我『郁』（指整容）係好明顯，雖然大家好畀面話我十年如一日冇變過，其實我真係會長大嘅，正常要有嘅紋真係會有，所以唔需要介意呢樣嘢，每個年紀就有每個狀態嘅樣，覺得最重要係心態方面。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】