劉鑾雄記者會丨大劉冇要外母捐腎鬧「受益者」造謠 極不情願援助呂麗君僅為一對子女

富商大劉劉鑾雄早前被影到與前女友呂麗君（現名呂姵霖）驚現銅鑼灣皇室堡行街，情斷八年後二人首次合體，引起不少舊情復熾的揣測，大劉火速及聲明澄清冇同對方復合，仲喺今日早上10時45分開記者會再次同呂姵霖劃清界線。

同場加映： 劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

大劉早喺聲明中透露，早已將絕大部分名下財產作出處理，無非為保障太太陳凱韻（甘比）及家人，佢今日再強調「家人」唔淨只係陳凱韻家人，為免大家攻擊甘比：「包括呂麗君嘅仔女，同埋我前妻寶詠琴嘅仔女，廢事畀人話份身家畀陳凱韻擸晒。我同陳凱韻結咗婚兩日，同律師討論財產問題，佢話結婚都唔係完全安全，信託方面仲有得拗同打官司，我諗咗兩晚， 寧願犧牲小我全部派晒出去，我寧願畀錯人，都唔想益天下間極壞嘅恐怖分子。」大劉又否認有傳其岳母捐腎給他而被迫跟陳凱韻結婚作「報恩」，他強調︰「係都搵個後生啲，點會搵個60幾歲嘅老腎，滷味我就鍾意。」佢又指呢件事係有「受益者」造謠，叫大家諗下喺呢件事上有咩人得益。

{{hket:inline-image name="3.jpeg"}}{{/hket:inline-image}}

今次大劉跟呂麗君見面，他解釋因對方有困難，「如果大家有留意金融地產財經就會知道，我唔係考慮到佢個仔女一個12歲一個20歲（私我唔會幫），我諗咗足足5分鐘，唔係數目大細嘅問題，係應唔應該，我唔想有難堪嘅事出現影響對仔女，為咗對仔女保留返佢一啲尊嚴。其實好sad，有啲人天生性格到死嗰日都唔會改，惟有黯然接受，希望今次記者會後有人收斂啲。」

十大劉又表示要保護我自己、甘比、甘比三個仔女同其他仔女，佢話：「唔係憤怒情形下都唔想開（記者會），對我嚟講都吃力。」不過佢就不願透露我真係唔想講呂麗君有咩困難：「今日留一線他朝好相見，其實唔係為咗佢個仔同個女我都極度唔想幫。」

大劉被問到同呂麗君所出嘅仔女有冇聯絡見面，佢就話8年前開始減少：「八年前見得好密，發生一件事牽涉到錢，錢就露出佢（呂麗君）嘅九尾狐真身，用好多法律方法解決所有嘢。 自從嗰次之後好少畀啲仔女我見。有時我問個女『爸爸陪你行街睇吓有咩衫你啱睇』，佢（呂麗君）就話『佢（阿女）鍾意我陪佢出嚟揀』， 咁我就唔制，費事比啲sales誤會我哋復合。」大劉又話呂麗君會叫佢安排啲名牌舖頭拎啲衫去自己屋企揀，但細想之下佢自己都可以安排，未知咁做係咪別有用心。大劉表示自己會照盡能力照顧兩個細路，但會「步步為營」。被問到覺唔覺得呂麗君係機心女，大劉就話：「如果要講，真係七七四十九日都講唔晒，大家要喺到紮營；陳凱韻亦無因呢啲事而嬲，點值得啫？佢知咩事，第二日仲飛咗去日本玩。」