謝賢狄波拉首見外孫女喜上眉梢 謝霆鋒攬實寶貝外甥女超溫馨

謝婷婷2019年6月突然報喜喺外地誕女，婷婷未有公開囡囡生父身份，3年來都身在外地嘅佢早前終於帶埋囡囡Sara返港，呢次亦係Sara首次同外公、外婆以及舅父見面。婷婷喺社交平台Post出三代同堂嘅合照，相當溫馨！  

同場加映： 劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責 

{{hket:ul-video id="7331"}}{{/hket:ul-video}}

婷婷今日（2日）喺IG分享多張喺香港影嘅相，婷婷帶囡囡分別見公公謝賢、婆婆狄波拉同舅父謝霆鋒，三代同堂歡度聖誕！86歲嘅四哥謝賢早前於金像獎攞影帝嘅時候有歪嘴情況出現，加上曾多次傳出中風，唔少人都好擔心四哥健康狀況。

{{hket:inline-image name="322935763_226354403072647_8910265167838401835_n.jpg"}}{{/hket:inline-image}}

今次嘅合照中見到四哥似乎比較怕凍，婷婷同Sara着短袖T恤時，佢就着厚羽絨同戴手套；不過四哥睇落相當精靈，仲激罕除黑超，戴聖誕裝飾眼鏡同外孫女合照；另一張相就見到四哥同Sara喺七人車上手拖手，睇到都覺得好窩心。

另外婷婷又帶Sara見狄波拉同霆鋒，未知霆鋒係咪怕Sara感染，相中仍然戴口罩，而雖然Sara全部相都被墨鏡Emoji遮眼，但仍然見到佢sweet爆嘅可愛笑臉，難怪霆鋒忍唔住將呢個寶貝外甥女攬到實一實！

婷婷留言表示佢同囡囡喺香港度過咗美好時光：「沒有比這更好的方式來結束這一年了。非常感謝Sara和我與家人分享美好的時間。我們熱愛和珍惜每一秒。Sara在香港度過了最美好的時光，我喜歡帶她四處看看——香港確實是世界上最美麗的地方之一。我們等不及要回來了。大家2023年快樂！ Sara和我向大家致以愛意，並祝大家新年快樂，萬事如意！」

圖片來源：Instagram