馮素波（波姐）最近模仿男子組合MIRROR成員盧瀚霆（Anson Lo）拍廣告，不少網民大讚波姐扮得好神似。近日，波姐在IG不停po相，當中貼出不少與MIRROR成員的合照，又跟鏡粉（MIRROR fans暱稱）互動一番。
同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責
現年78歲的波姐，現時跟無綫簽「一show」合約，由於自由度大，令她可以在無綫以外，作多方面嘗試，例如在商台主持節目《樂齡王國》、拍電影、拍ViuTV劇集等等。最近，波姐先後與MIRROR成員合作，飾演他們的嫲嫲和婆婆，所以在戲外，波姐以「孫仔」來稱呼他們。
約一星期前，波姐在IG開設帳戶，除了貼出主持商台節目《樂齡王國》時，與受訪嘉賓的合照外，還上載了在商台巧遇於ViuTV劇集《繩角》飾演其孫仔的Lokman（楊樂文），以及Anson Kong（江𤒹生）、Alton（王智德）和Tiger（邱傲然），波姐留言表示：「做完節目撞到幾個乖孫仔。」Lokman都有Like這個po，而一眾鏡粉紛紛留言，並以「嫲嫲」、「婆婆」稱呼波姐。
繩角丨馮素波與Lokman演兩嫲孫感親切 與無綫一年一騷：唔想太忙碌【下一頁】
波姐還po了數張在ViuTV劇集《繩角》，與Lokma和Anson Kong的合照，波姐留言：「雖然我冇三高，依然好多謝班孫仔咁關心我。」Anson Kong留言回她：「記得過水呀嫲嫲。」波姐回覆他：「我會注意健康㗎啦。有你哋關心我已經好安樂。乖，聽日（指1月1日叱咤頒獎禮）個個孫仔都加油努力，嫲嫲支持你哋。」之後有網民留言：「嫲嫲，生粉愛你！」點知波姐好風趣笑問：「請問生粉係咩啊？」有人就回覆波姐：「『生粉』是Anson Kong江𤒹生的粉絲的稱號。」波姐終於明白晒：「多謝你，我以為係咩麵粉，真係學到嘢！」及後有網民留言：「多謝嫲嫲，魂仔（Alton在《繩角》的角色名）同蛋白粉都愛你。」搞到波姐又係好𢲷頭，她問道：「請問蛋白粉又係咩嚟呀？」有人回她：「嫲嫲你好，『蛋白粉』係魂仔Alton支持者（fans粉絲）的稱呼呀！」波姐示意：「明白了，又學到嘢，多謝你。」不少鏡粉都大讚波姐好可愛！
78歲馮素波神還原粉紅教主 感恩Anson Lo盧瀚霆@MIRROR令自己多人認識【下一頁】
此外，波姐另一個「孫仔」Edan（呂爵安）日前推出新歌，波姐亦有出po祝賀對方，「嗱，大家唔好話我偏心啊，孫仔個個又乖又叻，點會少得你。早上睇新聞話你係世界型男，又攞人氣偶像，仲有新歌！恭喜恭喜。嫲嫲好開心。祝你哋個個聽晚頒獎禮繼續攞多啲獎。」Edan以紅色心心回覆波姐。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】