「陳積」顏國樑早前出席無綫台慶時，聲線只有高音，他透露患上第三期鱗狀細胞癌，聲帶的低音位置，被腫瘤壓住，現時他要接受兩類治療，醫藥費昂貴，他說：「免疫治療冇得資助，每針花費$39600。」還有之前在私家醫院的18萬元、食療、睇專科醫生等費用，估計要花近70萬元，現時轉到政府醫院。
同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱
早前，顏國樑接受好友鄧英敏的YouTube頻道《老友鬼鬼》訪問，他表示現時要接受化學治療和免疫治療，「啲藥好勁，吊鹽水咁吊，吊4個鐘，1個鐘1包，頭兩日都冇嘢，第3日開始就嚟料，成個人散晒，連續兩晚瞓唔到，成身骨痛，好痛，手腳麻痺，茶壺茶杯都打爛咗好多，因為麻痺咗，個力揸落去都唔啱數，個人虛、冇力、冇平衡，呢3日係廢晒武功，呢啲就係副作用。」
顏國樑變聲揭患第二「惡」皮膚癌 望延續「陳積」精神：死後有啲意思【下一頁】
在2013年，顏國樑參加了港大的大體老師計劃，他說：「當年喺網上見到，大體老師嘅片段，我覺得好有意義，我雖然讀書唔多，但我做嘅嘢，喺社會上都有好多功德，我喺邵氏出道，跟住喺香港電台播音，由1969年播到1977年，為市民服務，跟住我轉咗警隊，我又為市民服務，跟住再轉電視，畀歡樂大家，又係為市民服務，包括我教太極，畀大家健康，我就諗將來我走，我呢個臭皮囊又臭唔晒，有用有貢獻，好過餵鷹吖，我咪畀班學生玩吓囉！」
提到女友霍潔貞，顏國樑表示在這段時間都會十分珍惜大家相處的時間，他笑說：「難得有咁嘅機會服侍我，要貼身，佢服侍慣咗，忽然間唔服侍仲大鑊。」鄧英敏說：「潔貞跟咗你41年，仲未正式結婚喎，你有冇咩說話想同潔貞講？」顏國樑似有點不好意思說：「同佢41年，一年一句，都41句。我而家改咗脾氣，大家都幾廿歲，佢仲要服侍我，如果我仲將啖氣發落佢度，佢會更加難受，更加辛苦，不論有病冇病，兩公婆要相敬如賓。」
顏國樑指自己會樂觀積極面對，打勝仗之後，復出拍戲，一來要賺回醫藥費，二來可以繼續給觀眾帶來歡樂，「如果吓吓驚，吓吓呻，冇信心，會影響得好大，尤其是情緒病，我有去學，知道點去處理，我咪調教得好囉，所以驚又係咁，唔驚又係咁，你驚嚟做咩呢？」
顏國樑68歲Keep住招牌鬍鬚 為長糧當差因潘志文一句話放棄【下一頁】
鄧英敏找來顏國樑的圈中好友拍片為他打氣，包括王俊棠、黃澤鋒、前《警訊》主持麥振江、鬼塚、甄懋強等，鄧英敏說：「16個月前（訪問），你話潘志文講咗句說話好hurt你，而家你慢慢睇睇佢講咩！」片中的潘志文原來向顏國樑送上祝福，「顏師傅，你好，你記唔記得我哋當年喺港台嘅時候，我叫你做顏樑，你叫我做生藩， 我哋真係沙煲兄弟，最近聽見你身體有啲唔係幾舒服，唔緊要嘅，我哋係捱出嚟㗎嘛，經歷過好多好多風浪，祝你早日康復，快啲好番。」
倒帶16個月前，顏國樑當時接受鄧英敏訪問，他指1969年加入香港電台，潘志文是他的同學，由於顏國樑對自己的前途很有願景，雖在港台工作，但不是公務員，於是轉考警察；一日，當年在麗的已經好紅的潘志文，到警局找顏國樑食飯，結帳之際，兩人爭賣單，潘志文說：「你唔好同我爭，我搵錢易過你好多。」顏國樑當時認為這句說話的殺傷力很大，左思右想，最後決定放棄做警察，轉做特約演員。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】