彭家麗未婚夫出軌後梳起唔嫁？ 胞弟彭皓鋒做萬年綠葉從無怨言

2013年因「朱主席走音合唱片段」被瘋傳，實力再被肯定重投樂壇的上世紀80年代歌手彭家麗，繼兩年前簽新公司推出一曲《醜怪》後，今年請來金牌監製舒文，第一次合作炮製出最新作品《是不是這樣的痛過人才算真正的成長過》。彭家麗日前接受雷霆881商業一台《星光背後》專訪時表示，堅持做新歌不食老本，不做翻唱。

同場加映： 炎明熹認乖女因一事激嬲姑丈怒罵 明年18歲望滿足歌迷開紅館個唱

{{hket:ul-video id="7290"}}{{/hket:ul-video}}

新歌的突破，以新唱腔回望人生經歷過的傷痛，問到彭家麗會否覺得自己面對過太多打擊，她淡然的說：「我唔算經歷好多，只不過每件事都幾大。」事實上，彭家麗1989年18歲出道，除了因歌唱事業受挫於95年主動解約退出娛圈，04年經歷扑頭劫案徘徊生死邊緣，及後07年發現未婚夫出軌取消婚約，一直單身至今。

{{hket:inline-image name="WhatsAp.jpeg"}}{{/hket:inline-image}}

節目中，53歲的彭家麗強調至今仍沒放棄感情，「有朋友話我係基督徒，呢啲係是獨身恩賜，但我唔係放棄（感情），唔係唔搵！只不過現階段冇人追！」原來2007年解除婚約後，有追求者向彭家麗表白，「有人approach我！但因之前經驗，或許因為觀察不足太倉促而下決定，所以之後我更謹慎，當對方向我表白時，我跟他說：『大家可以觀察一下，但講明先，我哋唔係拍拖。』我唔係唔嘗試，我都會同佢出街、食飯，但講明係觀察，最終唔啱就唔一齊嘞！或者好多人會覺得我好古怪，但我呢份人就係咁坦白。最後都係覺得雙方唔太適合，唔啱就無謂勉強，係寧缺勿濫。」

彭家麗的胞弟，乃資深演員彭皓鋒，巧妙的是她於1995年決心退出娛圈，彭皓鋒卻於96年參加《新秀歌唱大賽》後簽約TVB，當上演員作起步。有說他當年眼見家姐易賺錢而選擇入行，對此彭家麗說：「講真！當年細佬幫過我，做我助手，睇酊我最美好光景，真係搵到幾多錢！齋賣唱片版稅都好犀利。再加埋做騷，每個星期都有幾場，不斷有收入！」她眼見細佬捱了不少日子仍是收入有限的綠葉演員，他有沒有向家姐呻過半句或後悔入行呢？彭家麗說：「佢入電視台後，從來冇話辛苦，雖然拍劇總係捱夜。因為佢對呢行實在有太大興趣，能做自己喜歡嘅事就唔會覺得辛苦，呢方面我真係很欣賞佢。」 

撰文：黃蘊姿