新聞王子鄧景輝逝世7年丨遺孀Connie稱囝囝2年前才接受爸爸離世 尊重亡夫：我從來冇怪過佢

資深傳媒人陳圖安的電台節目《安哥同學會》邀請到鄧景輝的遺孀Connie接受訪問，昨日12月24日正是鄧景輝離世7周年的日子，在平安夜佳節，兩人齊齊透過分享去懷緬一番。Connie說：「鄧景輝離開我哋7年喇，相信佢好開心，今日呢個日子同安哥你坐喺度傾偈懷念一下佢。呢7年對我嚟講時間過得好快，睇住我個仔每日成長，由當年9歲而家已經16歲，真係好快！」

同場加映：MC張天賦紅館騷望與亡父有連結 最怕體能唔夠搵「賦二代」幫手？

{{hket:ul-video id="7280"}}{{/hket:ul-video}}

【新聞王子鄧景輝5年前墮樓亡】空姐遺孀Connie疫情下轉行賣保險 憶夫哽咽：「思念唔係話走就走」【下一頁】

{{hket:inline-image name="W.jpeg"}}{{/hket:inline-image}}

{{hket:inline-image name="800_88f898faf517019070c457d2998b4142_600.jpg"}}{{/hket:inline-image}}

有「新聞王子」之稱的前亞視新聞主播鄧景輝5年前墮樓身亡，終年51歲，當年有指是他欠下債務不堪壓力有關，而他遺下太太及當時只有9歲的兒子謙謙。Connie透露16歲囝囝已經長得高過爸爸，讀書還可以，不過很乖很懂事，陳圖安認為小男孩要面對爸爸的離世，相信壓力亦都不少。Connie說：「頭幾年我都唔清楚，直至呢兩年佢話番畀我知，之前佢唔想喺同學仔面前講起爸爸，但而家佢已經ok，接受咗，我覺得係一個轉變，佢話：『我可以話爸爸係邊個，同埋話畀人知爸爸發生咩事！』佢真係好懂事。」

Connie走出喪夫陰霾，她坦言所有的勇氣來自家人和愛錫她的朋友，「我媽媽多年前已經離世，先生走咗之後半年，爸爸就走咗，家姐同姐夫就好似扮演我爸爸媽咪嘅角色咁，好幫我同我個仔，就算而家呢個階段，我家姐都不時輔導同陪伴吓囝囝，屋企人支持好緊要。」

{{hket:inline-image name="TANG_600.jpg"}}{{/hket:inline-image}}

Connie透露她跟鄧景輝是天主教聖堂認識的朋友，初相識時大家都只是十幾歲，隨後分別往不同國家讀書，聯絡不多，直至突然間有一年鄧景輝決定由美國返港定居，教會朋友為他「洗塵」邀請她出席，就在這次飯局之後，鄧景輝就主動約會她，後來順理成章拍拖、結婚、生孩子。

【前亞視主播】資深傳媒人盧瑞盛猝逝終年62歲 生前樂做義工被形容魄力無比【下一頁】

對於當日鄧景輝自殺的決定，Connie說：「根本我諗唔到點解會咁樣，而家回想起，佢出事前一晚其實發生好多事，佢突然叫我家姐帶走個仔，而佢成個月都情緒唔太穩。當時我喺北京做緊嘢，主動打畀佢阿哥同家姐，叫佢哋第二朝去睇一睇佢，但...件事發生得好快...」她當時即時由北京趕最快的航班返港，孩子由家姐照顧，「由朝等機返香港到夜晚我已經喊晒，我唔識講，我唔會問點解，當刻最重要係我個仔，件事已經發生咗，我就要即刻諗解決辦法。個仔好叻，佢好多嘢都好明白，佢就算喊都係因為我喊。」Connie事後想著想著，她認為景輝有這個決定是出於愛，「當時情緒病未係咁普及，大家都冇太深究呢個問題，引發咁多事，佢係錫我哋屋企人，佢知道自己未必可以過到呢關，所以揀咗呢個做法，佢知我堅強可以Handle到，所以我從來冇怪過佢！」

Connie在丈夫出事後臨危不亂，加上身邊的好友幫忙，她一心只想盡快完成喪禮，將悲哀簡化。原來是空姐的她兩年前面對港龍結業，突然失業的她是再次面對人生低潮，「當日係冇人知發生咩事，我都係睇新聞先知發生咩事，冇任何蛛絲馬跡， 大家估計係裁員，冇諗過成間公司冇咗，我做咗咁多年，好傷心係唔捨得所有人。幸好失去工作前，朋友叫我考定個保險牌，我做咗保險業，後來同朋友喺赤柱開咗間店賣有機食品。」在節目的最後，Connie不忘向大家祝福節日快樂，更以自身經歷鼓勵女性，「希望所有女性朋友知道，臉上自信、內心善良、骨氣同堅強，呢四樣嘢係每個女性都應該有。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉