YAHOO頒獎禮丨林敏驄台上寸老友153唔得民心 台下笑葉念琛《美麗戰場》買獎

《Yahoo Asia Multiverse Buzz Awards 2022》昨晚隆重舉行，大會頒發多個「搜尋人氣」的獎項，其中電視劇方面幾乎盡是TVB劇集得獎，《美麗戰場》獲得「人氣電視劇集」，陳山聰、陳瀅分別得到「電視男、女藝人」，「人氣電視劇CP」竟然是陳瀅、劉佩玥和陳曉華，而「人氣電視女角色」則是大熱蔣家旻奪得。至於《下流上車族》林敏驄和郭柏妍就分別奪得「人氣電視男角色」和「人氣急星」獎。

同場加映：百萬同居計劃丨練美娟夥拍型男黃德斌做夫婦 朋友勁羨慕：我終於甩難喇

{{hket:ul-video id="7208"}}{{/hket:ul-video}}

YAHOO頒獎禮狂掃13個獎丨Anson Lo讚馮素波好可愛望合作 呂爵安為「小Edan」報平安：很堅強【下一頁】

{{hket:inline-image name="KAJSDH.JPG"}}{{/hket:inline-image}}

{{hket:inline-image name="jasdh.JPG"}}{{/hket:inline-image}}

林敏驄一向口沫遮攔，他昨晚在台上領獎時說︰「Yahoo有品味！唔關佢事，係你哋投呀喎，多謝你哋！我不嬲都紅過周潤發…塊面同腳板底。」他見台下一位銀髮婆婆興奮走到台前支持，突然問︰「193（ERROR成員郭嘉駿）喺後台等你，話幫你作歌呀！153（曾志偉花名）有冇嚟先？我見193喺度，我見193眼超超咁，193話153有冇嚟，有嘅我揼到佢變143。」身旁的主持人森美都只識傻笑唔識得反應，阿驄再踩多兩腳︰「佢冇嚟喇，不得民心，佢做呢啲位有乜用，係咪呀？」說罷全場起哄，他續笑︰「講真話幾好反應，佢再嘈揼到佢變133。」他自爆明年3月開演唱會，森美問他是否在紅館，點知佢話︰「可能喺差館開。」

同場他的「女兒」郭柏妍也奪得人氣獎，當她說︰「多謝Yahoo！多謝大家搜尋我…」阿驄即窒她︰「咩鴉烏，邊個想搜尋你，你爭人錢咩？講嘢一嚿嚿，衰過葉念琛（《美麗戰場》導演)。」

東張西望丨林敏驄訪問狂嘲郭柏妍唱歌魔音 兇江美儀：信唔信我叫芊芊唱歌？【下一頁】

{{hket:inline-image name="yyh.JPG"}}{{/hket:inline-image}}

《美麗戰場》人強馬壯贏過《下流上車族》，林敏驄台上寸完曾志偉之後，在後台踩入《美麗戰場》陣營，笑嘲葉念琛「買獎」，他在後台跟陳山聰、陳瀅、葉念琛等一齊拍片，他鬧陳山聰說：「你擸晒啲獎，葉念琛條粉腸又擸晒啲獎！喂葉念琛，佢聾聾哋，人老咗就係咁，聽講你今日買咗好多獎番嚟！」葉念琛回應說：「你嗰個獎係呀，我買畀你做聖誕禮物呀！」林敏驄續言：「我諗住開套《下流戰場》！你買開幫我買多幾個獎返嚟啦！我而家被陳山聰搞到我入圍唔到馬來西亞（《馬來西亞萬千星輝》），我基地唔係馬來西亞，係孟加拉同蘇格蘭場嗰邊！」葉念琛表示一人攞一個啦，大家開心！

另外，林敏驄開玩笑指193眼超超，但張艾嘉接受訪問時親口證實ERROR四子都非常乖巧，主動跟她打招呼問好，非常有禮貌尊重前輩，令她喜出望外，ERROR都說：「我哋ERROR一向有禮貌又乖，見到會Say Hello，走嘅時候會講拜拜。」193笑言：「唔好睇我哋係衣冠禽獸，其實我哋真係好乖！」Dee哥何啟華說：「又唔係衣冠禽獸，我哋最多都係企鵝啫！」Dee哥近日不幸「冧廠」病倒，他表示以為確診中招，因全身酸身不舒服，但檢測多日都沒有事，身旁的隊友笑他盡快確診，好讓他們不需要出席其他頒獎禮「呆坐」，早確診早康復，就可以1月初如期出發離港。

{{hket:inline-image name="ERROR_SYY1078.JPG"}}{{/hket:inline-image}}

{{hket:inline-image name="ERROR_Y1_0631.JPG"}}{{/hket:inline-image}}

{{hket:inline-image name="YNC.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：楊安莉