型男李爾晨(Kyle)兩年前在ViuTV劇集《男排女將》初露鋒芒,本身是排球員的他盡見實力球技和健碩身材,隨後他轉戰邵氏兄弟和TVB,一心只想求機會去磨練演技,沒想到惹來Haters攻擊,他直言需要一段時間心理調節,希望將來觀眾們好似鍾意C朗一樣,無論他轉去哪個球會都一樣支持他本人。
同場加映:劉穎鏇自小患嚴重濕疹曾向媽媽發脾氣 爸爸陪來港發展與母分隔:我好自責
Kyle近排頻頻亮相綜藝節目,先是J2的《CP訓練營》,再現身mytvsuper的《女王的密令》,他亦不時客串劇集演出,曝光越來越多,「節目出咗街的確多咗觀眾認識自己,不過節目中段出現好多選擇,多咗參賽者揀自己,變相好多評論話我見一個愛一個,畀觀眾錯覺覺得我係花心男!」Kyle經常被指跟不同的男星撞樣,包括郭政鴻、陳偉霆 、李霖恩、周柏豪及王浩信等等,他表示:「入行前打排球時已經被人話似周柏豪,我都唔知似邊個,不過如果令觀眾記得自己都係好事。嚟緊《羅密歐與祝英台》我飾演年輕版陳豪,同古佩玲合作演繹宿世姻緣,大家一定要睇,因為唔睇我呢部分就睇唔明個劇!而且好多動作、感情,算係我一個考牌之作的角色。」
Kyle由運動員轉職演員,從零開始接觸戲劇,「觀眾初頭認識我係ViuTV嘅《男排女將》,之後我過去邵氏,的確用咗好一大段時間去適應新環境,我好想成為一個好演員,好想有一個密集訓練,令自己去磨練演技,《男排女將》係個幾靚嘅開步,但我真係唔夠,一定要更多經驗同磨練,TVB係一個好地方畀更多機會我去練習。」
Kyle坦言曾經被觀眾追問為何要倒戈,當時心情都花一段長時間去調節,他明白話題有點敏感,但他以運動員作為比喻解釋:「我很喜歡C朗,我亦鍾意皇馬,唔鍾意曼聯呢個球會,點知佢由皇馬轉去曼聯!但我其實更加鍾意C朗呢個人,無論去到邊,只要你足夠好,觀眾都會追隨你。呢個就係我初心,希望交更多好作品畀觀眾睇,唔會希望因為某某隊伍去鍾意我。」他表示參與真人騷拍攝,讓觀眾看到一個有血有肉的自己,未來希望向戲劇方面發展,他最希望是演一位亦正亦邪的臥底,希望美夢成真。
非凡三俠│李爾晨轉行唔殺波開槍殺人 甲一男排高大有型入邵氏做演員【下一頁】
李爾晨高大靚仔又大隻,成為不少少女心目中的男神,到底男神心目中的女神是誰?他說:「劉穎鏇!因為佢都好高 ,而且係運動型,有機會都想試下同佢合作!之前拍《隱形戰隊》有同場,不過我仍然企喺後面學嘢階段,(心心眼?)放內心嘅,不過見到好多前輩,心入面都會諗幾時輪到自己呢?」
李爾晨的身材一向是「吸睛」環節,在《女王的密令》中被主持人麥美恩和吳若希上下其手,他表示由於是運動員出身,習慣了每天運動,自己跟朋友都有開設健身室。他表示自己目標是成為楊佑寧類型的演員,「我覺得佢有種望落去未必驚為天人嘅嗰種靚,但睇佢做戲眉頭眼額真係好有型,佢係我目標!其實簽約時,我都話好想自己去到金像獎,希望多儲儲經驗,準備充足之後就去電影發展。」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
場地:港嘢茶檔
攝影:陳健珊
撰文:楊安莉