楊思琦拍片搞笑講疫情抽着火水 內地網民鬧不知所謂：無良不道德

現年44歲嘅前港姐冠軍楊思琦，近年好少喺香港熒幕出現，專注內地發展嘅佢亦甚少拍劇拍戲，反而係不時喺抖音等社交平台拍片維持人氣。而近日內地疫情持續，內地網民之間出現「新文化」，以羊嘅emoji，取諧音代表「（陽）性」，思琦亦拍片「抽水」，點知因為咁激嬲咗唔少網民。

同場加映：  黎明重穿30年前《原振俠》皮褸 中環冒寒風大唱12首經典歌

{{hket:ul-video id="7245"}}{{/hket:ul-video}}

{{hket:inline-image name="106.JPG"}}{{/hket:inline-image}}

日前楊思琦喺自己各個社交平台Post出短片，貫徹佢可愛風格，非常活潑大動作。佢喺片中自問自答：「羊了個羊，你是哪隻羊？」，佢先用「喜羊羊」形容無症狀感染、渾身痠痛係「懶洋洋」、持續低燒係「暖洋洋」，高燒不退係「沸羊羊」，一直不陰代表「慢羊羊」、「美羊羊」則是一直不陽（不曾確診）。佢留言祝福中招朋友早日康復：「你是甚麼羊，願朋友早日康復，一起抗羊（新冠肺炎）。」睇嚟想用輕鬆手法為大家喺「疫」流下打打氣。

不過片段觸動到內地網民神經，認為楊思琦身為公眾人物，唔應該呢個時間借疫情爆發拍片講笑，網民狠狠斥責：「不知所謂」、「水深火熱之中，你還笑這麼開心」、「有點不道德」等，不過都有網民撐楊思琦，話其他網民太認真同「玻璃心」，生活已經咁苦，唔應該再咁憤世。

圖片來源：抖音