天價海鮮︳魚檔驚見$1萬天價馬友 李彩華：符合一個條件先合理

海鮮種類繁多，部分可以貴到嚇親人。有網民於街市發現魚檔有馬友出售，一條售價高達1萬港元。有網民就分析指每両索價$35實在太貴，有專家接受本報訪問時就指馬友價高並不稀奇，但就必須符合一個條件才值此價錢。

同場加映：
管家王︳筆漬茶漬、穿窿、凹陷有得救 專家示範布梳化急救法【附4大保養貼士】

{{hket:ul-video id="7238"}}{{/hket:ul-video}}

網民驚見天價馬友索價$1萬

天價海鮮再現！有網民於Facebook群組「香港街市魚類海鮮研究社」發文，指於街市發現一條海魚開價每両$35，整條魚售價近1萬元，換算之下即該條魚應有18斤重，其價格之高令事主感驚訝，同時亦引起不少網民議論。

網民喊貴：我去一轉日本唔好？

有網民直指相中「天價海魚」實為馬友，而街市魚檔的馬友售價一向遠高於其他海鮮，索價數千亦司空見慣，1條1萬算是相當貴。有人就質疑該條馬友未足18斤，認為每両$35定價過高，稱「$10一両就差唔多」，甚或指魚尾「爛晒」不值1萬。

另一方面，有人就認為無論馬友如何味美，1條1萬定價仍是太貴，直言「飛去日本食兩日都唔使1萬」、「情願去一轉東南亞旅行」云云。有人就覺得即使同屬馬友亦有品質好壞之分，指如買到油水不足的馬友將「蝕大本」。

專家質疑重量報大數：切開賣先值呢個價

香港海鮮聯合總會主席李彩華接受《晴報》訪問時指出，馬友的確屬街市高價海鮮，其批發價一般260至280元一斤，越大條售價亦越貴。對於「爛尾」一說，李彩華指應是處理過程中弄壞，與魚本身品質無關故並無大問題。

對於索價1萬，李彩華直言目測該條馬友重量僅7至8斤左右，以每両35元換算即約4,000元，與事主聲稱的檔主開價相去甚遠。對於魚檔開價每両35元，李彩華亦認為未必值得，

「去除內臟及魚頭魚尾，切開賣先值每両$35，原條賣就唔可能值呢個價。」

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】