守下留情丨陳嘉賢照顧血癌女兒衣不解帶 做傳道人曾為教友驅鬼勁驚驚

在《他來自江湖》中飾演「人老珠」黃玉華的演員陳嘉賢，離開電視圈30多年時間，近日偶遇港台節目《守下留情》主持人劉偉恒、梁禮勤，立即答應接受他們的訪問，大談以往電視圈的生活和息影後的人生轉變。陳嘉賢現時是傳道人，剛剛離開了所屬教會，跟羅乃萱師母到處去工作。

同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱

{{hket:ul-video id="7290"}}{{/hket:ul-video}}

《他來自江湖》老姑婆丨陳嘉賢婚後息影多年轉職做保險 細女患血癌促使讀神學鼓勵病童家長【下一頁】

{{hket:inline-image name="316419151_561123526024939_7278506635659643970_n.jpg"}}{{/hket:inline-image}}

陳嘉賢在訪問中提到，當年拍攝《他來自江湖》才29歲，卻要扮演「老姑婆」，惟有參考喬宏太太的造型與動靜，才能跟許紹雄擦出不少火花。陳嘉賢稱從小就沒有演藝夢，但姐姐是TVB第十期訓練班的學生，在其鼓勵下報名入讀，順利入行。她說︰「訓練班最熟係李子雄，我哋畢業冇耐，連埋一個女仔朋友，拎住2千蚊去大陸流浪個幾月。因為大家都係住長沙灣，興趣又相近，所以同佢好熟。李子雄當年冇簽TVB，佢點解入行？就係因為我哋有日撞到《英雄本色》個導演（吳宇森），導演叫我嗌佢去試鏡，一試就演到大哥成呢個角色。」她表示同期訓練班有梁朝偉、周星馳、吳鎮宇、關禮傑、張兆輝等，感覺周星馳不太成熟，甚少一齊玩。「其實我雖然唔係做主角，不過好多套劇都有份演，同學都覺得我好彩。」

陳嘉賢結婚生仔之後，決定離開幕前工作，六年後，女兒出世不久，發現她經常高燒不退，抽骨髓檢查才得悉確診血癌。「日日去醫院照顧佢，當年唔識咁多，冇意識小朋友原來都會有患癌，好彩教會好多弟兄姊妹幫手照顧大仔，我就日日去醫院同癌病中心。我印象中有位醫院嬸嬸見到我喊，叫我唔好喊，話唔好以為『塞竇窿』唔識，大人喊佢就會驚，呢一句說話對我係好大嘅幫助。有時個女唔使化療可以返屋企休息，頭幾次一家人食飯，發覺啲米咁甜嘅？真係學識找尋生活上嘅福氣。」

幸好女兒經過兩年治療後終於康復，如今已經24歲亭亭玉立，陳嘉賢說：「其實當年唔知道，但其實對我個仔係好大缺失，長大後阿仔特別反叛。佢7歲時知道妹妹有病，佢話唔知咩係死亡，只知全家人都錫晒阿妹，自覺好似唔重要咁，佢唔開心咗好耐。」陳嘉賢表示女兒康復後，她繼續到醫院進行探訪工作，有時帶埋囡囡同行，令其他家長都能有所盼望，而探訪對象之一是陳敏兒的幼子廖天諾；他最終不幸離世，她大感傷痛，後來進修做哀傷輔導的工作。

21克公寓丨陳敏兒細仔含笑而終放下自責 告別智叔：佢做好生命功課畢業【下一頁】

{{hket:inline-image name="kayin6_600.jpg"}}{{/hket:inline-image}}

{{hket:inline-image name="kayin5_600.jpg"}}{{/hket:inline-image}}

完成神學課程的陳嘉賢，傳道的6年時間，最難忘是一次驅鬼的經歷，她說：「有位姊妹被鬼附身，我原本係負責查經同佢講經文，點知查查吓突然變樣！我感受到佢...唔同咗樣，眼飄走咗...見唔到佢眼珠，佢講咩我都聽唔清楚，但肯定把聲唔係佢把聲！然後佢老公望住我，我有信念，就以基督之名驅走...做咗3次佢都依然係咁，其實我都好驚，理性上我係信自己，有神唔使怕。」

陳嘉賢透露丈夫正進修神學課程，希望未來能夠在家庭、婚姻輔導方面多多幫手，她說：「我個女黐我多啲，個仔就唔多出聲。我覺得而家兩代割裂好嚴重，早年社會事件令我同阿仔關係割裂，佢睇到覺得好艱難、無助同無望，覺得我哋成年人就上晒岸...我覺得大家都需要教育，學識彼此欣賞。」她表示若有邀請的話，不排除接戲拍，認為不一定要有特定的意義，只要好玩就行，享受人生。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉