演出《胡桃夾子》丨呂麗君與囡囡劉秀盈「姊妹」合照 劉鑾雄冇影送心意卡字體保持童真

富豪劉鑾雄（大劉）與舊愛呂麗君（現名呂姵霖）嘅大女劉秀盈（Zoe）唔經唔覺已經20歲，Zoe藝術細胞超強，自小學習芭蕾舞嘅佢去年入選香港芭蕾舞團，有份演出經典劇目《胡桃夾子》，今年芭蕾舞團繼續於聖誕節期間喺香港文化中心表演。

同場加映：黎明重穿30年前《原振俠》皮褸 中環冒寒風大唱12首經典歌

{{hket:ul-video id="7245"}}{{/hket:ul-video}}

劉秀盈亦再度演出同一劇目，日前演出開鑼，媽媽呂麗君都有到場支持。劉秀盈着上表演嘅騎師造型服，媽媽就着上一襲粉紅色毛毛裙，睇落好少女好young，同囡囡似足兩姊妹呀！而劉鑾雄就人唔到禮都要到，佢為女兒送上花束，仲親筆寫心意卡畀囡囡。劉鑾雄叫囡囡做Ying Ying（盈盈），寫上：「Good luck！Enjoy the show！」而秀盈都出post表示：「Thank you to my lovely Dad supporting my performance 💙（謝謝我可愛的爸爸支持我的演出。）」

{{hket:inline-image name="5.png"}}{{/hket:inline-image}}

有網民將重點放咗喺劉鑾雄嘅字體上面，雖然只係短短兩句，但都見到佢嘅字體保持童真，似足小朋友寫嘅潦草英文。另外，又有唔少人留言安慰佢：「一語勝千金，爸爸還是疼你的也為你感到驕傲」、「他也許不承認，但你是他最美麗也最像他的那個寶」、「好warm呀！你爸爸很疼錫你，啲花好靚。好襯你」、「你爸爸還是很愛你的」……

其實劉秀盈都好在意爸爸，識鋼琴和結他、擁有豐富音樂造詣嘅佢更自彈自唱《分分鐘需要你》，並在YouTube和IG發佈，甜美聲線令人讚嘆！Zoe說：「一首獻給父親的歌」，反映出佢對父親嘅濃濃愛意！ 

圖片來源：Instagram