郭嘉駿（193）聯同郭奕芯（Ashina）、鄭伊琪（浩南）和譚凱倫（Helen）主持的節目《晚吹戀講嘢》，題材關於兩性生活，每集會邀請一位嘉賓分享愛情經驗。節目話題開放，而且主持人和嘉賓說話大膽，節目內大派「花生」，播出以來甚受年輕人歡迎。最近一集以「廉價女友工人」為主題，193開出話題，問到3位女主持人，與另一半同居時，可曾會做家務，甚至曾為對方洗底褲？嘉賓鍾雨璇大爆曾為前度男友洗底褲，更發現有異性分泌物；而郭奕芯自爆男友曾為自己清潔底褲，令現場人都驚訝。
同場加映：百萬同居計劃︳魏浚笙嚴選同房首要乾淨冇鼻鼾 徐㴓喬想挑戰底線玩真人騷
節目開始時，三位女嘉賓輪流分享自己有否為另一半洗底褲的經歷，早前公開與「富二代」Brian拍拖的郭奕芯，坦言男友曾為自己清潔，大家都感驚訝而七嘴八舌，浩南反問「點解你自己唔洗？」而193也慨嘆：「Brian你咁有錢，做乜幫阿芯洗底褲？」郭奕芯先叫大家冷靜，而她亦輕鬆地謂：「咁佢平時乜都幫我做，幫我洗底褲好閒喎，錢唔係萬能，呢啲係愛呀嘛。我都會幫佢洗，如果有需要的話。」
獲Do姐畀面現身自家品牌市集 193@ERROR：好明顯佢好錫我啦【下一頁】
戀講嘢丨杜如風自爆曾與男偶像拍拖 暱入車尾箱避開狗仔隊【下一頁】
郭奕芯有男友代勞，另邊廂鍾雨璇的經歷卻十分驚嚇，她自爆10年前與一個男仔拍拖1年後便開始同居，最初被對方斯文的外表和學識而吸引，以前約會至約9時便回家，當時還以為他是「好仔」一名。不料同居後發現對方判若兩人，不僅半夜會外出，更聲稱為「工作應酬」而到夜總會。她憶述自己「犯賤」，有一種想改變別人的心態，所以一直沒有離開他，同居後自己會打理家務，每次男友爛醉後回家，都為對方清理：「底褲入面有漬之外，外面都有啲分泌物 ，如果係佢個人滲出嚟嘅漬會喺同一個位置，但佢底褲外嘅漬，應該係坐上去磨出嚟嘅漬，係女仔嘅分泌物；另外試過牛仔褲外面都有漬，可想而知佢出去玩得有幾犀利，應該仲有下文。」但她默默忍受，還親手洗去所有污漬。
而自稱有潔癖的她續指，前男友的恤衫曾出現唇膏印及胭脂粉，而自己曾查看過當時男友的手提電話訊息內容，三級又露骨，自言睇到眼火爆：「啲訊息係好過份，『噚晚同你乜乜乜，X嘢好High』、『不如你唔好出去做，我養你』、『我好大力X你對波，你High唔High』、『下次搵你唔戴Condom加幾多錢』、『可唔可以Send你個胸同下面嘅相畀我』，睇完直頭崩潰，雖然好多次鬧交，佢嗌分手 ，我最後會跪住求佢唔好。」全場人都質疑當時男友已經根本不愛她，不憤為何她還要與對方在一起。
鍾雨璇表示，同居一年的前度男友，當時每月有給她萬多元家用，但扣除屋租後，她只得3千元生活費。有次她隨前度到日本工幹，到當地時仍未兌換日元，欲打算先問男友借使費，之後歸還：「佢拎住啲日元散紙掉晒落地下，我都惟有執，佢本身因為工作，有少少精神壓力，少少嘢就會爆炸嘅。」而她當日在地上拾的一元日幣，至今還保存在藥丸袋內，她用來提醒自己：「只可以話呢段感情一元都唔值。」她透露最後父母及外婆，帶同家中傭人去到二人住所，勸她回家。分手後，前度男友仍每月存3萬元給她，維持4個月，但她不為所動。而鍾雨璇現時有要好的男友，已拍拖6年，不過就因見過鬼怕黑，不敢亂同居。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：王連連