蘇麗珊轉跑道做歌手要有強大心臟 負評不上心 感恩男友成最大後盾

蘇麗珊演員出身，近年轉戰樂壇做歌手，讓樂迷認識到她不同的面向，特別是她親自創作的新歌《愛情只是藝術品》更表達出她內心暗黑的一面。當過演員、老闆娘及歌手，她坦言每一個崗位都不容易，要心臟強大才能夠適應改變和應對批評，幸好男友陪伴她一齊面對，風雨同路，令她更有信心去走出邁向夢想的每一步。

{{hket:ul-video id="7408"}}{{/hket:ul-video}}

蘇麗珊去年2月正式簽約成為歌手，展開事業上全新的一章，她坦言無論宣傳或者工作方式都跟演員相當不同，「演員比較被動，但歌手係好個人嘅，就好似今次第三首歌《愛情只是藝術品》就係我自己作曲，由Demo開始，個腦已經思考緊想要咩歌詞、編曲想點玩、MV點樣拍咁，比較多自己嘅元素喺入面。」她坦言當歌手比想像中困難得多，很多事物要重新學習，但幸好現還處於「蜜月期」，每個程序對她而言都非常新鮮，「由零到出歌嘅過程令我有好大滿足感，呢種滿足感唔知會唔會到我出第十首歌之後就冇咗。（做生意輕鬆啲？）做生意都唔係想像中咁容易，其實每份工都好難做，既然係咁，點解唔揀一份自己開心嘅去做呢？我未餓死，總要搵到自己生存方法，而唱歌係我一直好想去嘗試。」

{{hket:inline-image name="DSC07295.jpg"}}{{/hket:inline-image}}

{{hket:inline-image name="DSC07313.jpg"}}{{/hket:inline-image}}

{{hket:inline-image name="DSC07291.jpg"}}{{/hket:inline-image}}

業主問題？︳蘇麗珊呻九龍城按摩店被無理逼遷 黃婉曼餐廳疫市加租無奈結業【下一頁】

由演員跨界去到樂壇，蘇麗珊坦言感恩粉絲們都非常支持，至於外間的反應，她說：「我唔係好理出面啲人鍾唔鍾意，呢樣係我控制唔到，每日睇住啲評論都唔會幫到件事呀嘛！最重要係做好我嘅音樂，希望之後搵到屬於自己嘅音樂風格。（做樂壇新人始終想知外間睇法？）我可能因為做過幾年演員，覺得外間睇法係好主觀，你做緊嘅嘢冇話啱同唔啱，只係在乎有冇觸動到人心靈。」她坦言入行後自覺一定要有強心臟去面對一切，歌曲沒有爆紅不等於就要放棄，正等於疫情期間就算演員幾乎完全沒有工作，是否代表就要放棄拍戲呢？「我好鍾意聽Beyond，佢哋嘅歌好有力量，無論係開心時要加油，或者唔開心亦畀到某一種力量我，我都希望將來自己嘅音樂可以感染到人。」

《愛情只是藝術品》表達出蘇麗珊暗黑的一面，她坦言私底下有很多面向，觀眾只會看到她開心的一面，當有不快或者悲觀的想法時不會周圍講，夜闌人靜時就作歌解憂。蘇麗珊坦言男友亦是心靈上的依靠，「兩個人拍拖，佢唔止係我男朋友，亦係我好朋友。佢係最親密的人，所以有咩唔開心都同佢講。」她感激對方全力支持她唱歌，大家都是喜歡挑戰新事物的人，所以互相鼓勵非常重要。

抗疫片《總是有愛在隔離》︳陸永蘇麗珊搞婚禮被封變困獸鬥 谷祖琳6歲愛女劉悅瞓身演出【下一頁】

{{hket:inline-image name="316700756_809839966983514_5257719273682573817_n.jpg"}}{{/hket:inline-image}}

{{hket:inline-image name="316812207_3308514259436695_7479101803299564549_n.jpg"}}{{/hket:inline-image}}

{{hket:inline-image name="316988538_1274347680086622_1568162262230154580_n.jpg"}}{{/hket:inline-image}}

{{hket:inline-image name="316996511_8264642456940969_2062814549427854753_n.jpg"}}{{/hket:inline-image}}

對於早前在ViuTV電視劇《繩角》的演技備受批評，蘇麗珊表示：「收到負面批評當然會唔開心，但同時我好感動係好多人私訊我，同我仔細咁傾劇情。其實當時我病咗幾日冇乜點睇，反而見到咁多人支持我，當下真係眼濕濕。好同唔好嘅留言都有，其實唔好嘅批評唔容易收到，人哋肯話你知其實都係想你進步。(男友安慰你？）佢好冷血呀，不過就會好理性咁分析，到底係咪做得咁差先？我又覺得唔係咁差啫，男友喺我拍攝期間陪伴我成個過程，可能某啲演繹方式係合適個角色設定，我有努力過去做，就已經足夠。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

髮型: Franco Chung@Leonardo 3 Haircorner
化妝: Chi Chi Li
攝影：何家賢
撰文：楊安莉