懷胎9個月丨陳宇琛老婆林佑蔚感慨鼓勵過來人 與原生家庭斷絕來往：身心受虐

石修兒子陳宇琛（Sam）同前有線主播林佑蔚（Camille）結婚五年，今年六月宣布造人成功而預產期就喺12月。Camille孕期內都經常跳舞，而且手腳都依舊非常纖細，長胎唔肥人認真係得天獨厚。臨盆在即嘅佢日前喺社交平台曬出巨肚，仲突然相當感性講自己原生家庭嘅問題，以過來人身份鼓勵正係受同樣問題困擾嘅朋友。

同場加映： 百萬同居計劃︳魏浚笙嚴選同房首要乾淨冇鼻鼾 徐㴓喬想挑戰底線玩真人騷

{{hket:ul-video id="7170"}}{{/hket:ul-video}}

Camille以英文留言，指自己出生喺一個身心受虐嘅家庭，家庭成員有自戀和邊緣性人格障礙，所以佢選擇同佢哋斷絕聯繫，Camille感慨表示：「這些『虐待』是沒有明顯的傷疤。你很容易會認為一切不正常都是正常的，如果有甚麼不對勁，那就是你的問題，這令人難以置信的孤獨感和頭腦混亂。所以保持精神和身體強壯不只為了『看起來不錯』，而是為了敘述事實。這是我寫給我女兒、老公、上帝以及所有在我的旅程中與我同行的人的情書。如果你正在經歷我所經歷的，無論是否懷孕，男人，女人，任何人 - 你都會被看到，你被聽到，你被愛。」Sam都即時留言撐太太，表示同阿女都會以Camille為榮！

{{hket:inline-image name="319528822_438032441859651_7741072479919916433_n.jpg"}}{{/hket:inline-image}}

其實Camille一早已經透露過佢喺原生家庭嘅不愉快經歷，佢指自己有一對比佢分別大13歲同12歲嘅哥哥姐姐，而父母喺關係最差嘅時候生咗佢，而佢好似為咗「修補」呢個家庭而生。Camille表示佢盡一切努力令佢愛嘅人快樂，犧牲佢自己嘅幸福、夢想同健康，甚至幫家人償還債務等等，而呢一切都被視為理所當然。

不過佢呢一切不幸，都隨住佢嫁入「陳家」呢個有愛家庭而結束，佢曾經貼出同奶奶嘅合照，大讚佢係一個偉大嘅母親：「媽媽是上帝派到我生命中的天使，她使我對生活和人的頑固觀點變得謙卑。因為她和爸爸都很低調，所以人們不知道她把每個家庭成員放在自己之前。人們不知道成為一位深受喜愛的名人的另一半和是多麼困難。 Sam吸引我的第一件事就是他對他媽媽的評價如此之高。我們非常非常愛你。你不僅內在和外在都很美，而且還超捧的！」

而石修同佢嘅太太都好樂於表達佢哋嘅愛，石修表示佢哋個個都好愛佢，而太太就話好感恩娶到Camille呢個媳婦，等佢呢個「女」入門等到頸都長埋咁話！當諗到Camille嘅經歷，到佢依家都加入到呢個幸福家庭，真憬為佢感動到有啲眼濕濕呀！

圖片來源：Instagram