《無間道》20周年丨劉德華望將故事轉場擺上音樂劇 梁超怡由童星變香港小姐

導演劉偉強、劉德華及應屆港姐梁超怡出席《無間道》20周年4K特典場，當年仍是6歲童星的梁超怡在戲中飾演梁朝偉的女兒，如今已經長得亭亭玉立，更成為香港小姐季軍，她再跟劉德華合照，實在感嘆時光飛逝！

同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

{{hket:ul-video id="7197"}}{{/hket:ul-video}}

2022香港小姐競選決賽丨 林俊賢愛女林鈺洧勇奪冠軍O嘴 許子萱梁超怡分別得到亞軍季軍【下一頁】

{{hket:inline-image name="9cd3fd58-09b1-4e0e-ab8e-80174f7aca9f.jpg"}}{{/hket:inline-image}}

{{hket:inline-image name="e0b4d3c8-6236-4a56-9b42-b0a435ba7608.jpg"}}{{/hket:inline-image}}

{{hket:inline-image name="f4c59de5-9b93-4783-bbe8-91796e80fff0.jpg"}}{{/hket:inline-image}}

劉德華和劉偉強接受訪問，劉德華表示：「20年之後聚集番晒所有人，再次為香港電影做唔同嘅嘢。記得當年楊千嬅、鄭秀文等女性電影反應好勁，當時就諗劉偉強喺我哋公司，好想做啲男人戲，《阿虎》、《全職殺手》之後，就有《無間道》，之後男性電影再強啲！（劉偉強稱當年好大壓力？）我唔知佢有壓力，佢好瀟灑，我喺現場唔覺，演得好舒服。」劉偉強稱當年預算不多，感激大家都遷就，將預算都投放在製作上面，劉德華笑言：「我收到好順，基本上所有參演演員都係，我攞得番來製作費大約知幾多，全靠佢哋有三吋不爛之舌，連華仔都順喎，大家都識做啦！」

劉德華坦言雖然20周年，但感覺像去年發生的事一樣，「我老咗20年啦，我仲keep住戲入面對鞋做珍藏，而拍完呢套戲，劉偉強送咗個膽機畀我！」問到會否再開《無間道》系列？劉偉強稱三集已經足夠，就算原班人馬組合到，相信都會是全新的故事。而劉德華說：「我有考慮過變音樂劇，一路以來都做緊音樂，電影入面有《被遺忘的時光》，亦有幾首《無間道》主題曲，未知幾時但好想做，（由你主演？）我係咪做番我自己呢？我或者可以做其他角色，暫時仲係亂咁噏，希望成事啦！」

劉偉強《無間道》選角獨具慧眼 42歲陳冠希激似41歲劉德華【下一頁】

梁超怡坦言雖然當時只有六歲，但印象非常深刻，「當年梁朝偉哥哥要搣我塊面，咁要NG搣咗幾次，雖然好痛，但好享受個過程，我相信好多人都想被梁朝偉搣塊面。」她表示拍攝完畢都沒有機會見到梁朝偉，問到會否想他再搣？「而家大個真係唔夠膽，不過一定要問佢攞簽名，其實當年我個袋帶定本簿仔諗住攞劉德華同梁朝偉簽名，不過我幾歲就好怕醜唔敢，但就有合照嘅！」她表示好希望拍電影，但如果重遇梁朝偉就不想再演父女，可以挑戰情侶。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪、攝影：倪小珊
撰文：楊安莉