陳嵐九龍塘買地起屋為向華強圓夢 極奢酒窖衣帽間擺滿Hermès手袋

向太（陳嵐）自從進駐內地社交平台後，經常拍片分享「日常生活」，日前佢拍House Tour帶大家參觀佢九龍塘獨立屋內貌，網民都驚嘆「被貧窮限制想像」！

同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

{{hket:ul-video id="7197"}}{{/hket:ul-video}}

九龍塘為香港傳統低密度豪宅區，唔少城中名人富豪都選擇呢度，而向太就話喺九龍塘擁有一間大宅係老公向華強當年嘅夢想：「我老公他曾經跟我講過，他希望能夠住進九龍塘，所以當我們奮鬥了幾十年後，我終於可以偷偷地買一塊地，偷偷地蓋好一個房子，我是在圓他的夢。」

{{hket:inline-image name="510.JPG"}}{{/hket:inline-image}}

片中向太帶大家參觀豪宅，屋內裝修非常有氣派，戶外有一個大庭院，種咗唔少羅漢松等需要花心血打理嘅植物，仲有一個近10米長嘅超大泳池。而屋內擺放了大量藝術收藏品，包括各種玉器、水晶、瓷器等等，向太仲特別提到牆上掛嘅字畫係出自張大千手筆，而走廊燈飾就由香港著名電影美術指導及服裝設計師張叔平設計，仲有一道銀箔瓷磚牆，連中國巨富好友馬雲去佢屋企作客時都忍唔住讚嘆！

之後向太之後再去到衣帽間，佢自豪咁介紹架上擺滿嘅Hermès手袋，當中更不乏限量版，之前佢曾經同袁詠儀視像通話時表畀對方隨便揀一個，有錢得嚟非常大方！另外，宅內設有私人酒窖，擺滿各種名酒，仲設有一間DVD房，收藏向華強嘅電影作品同其他電影。而向太「地頭」廚房就以白色設計為主，各種設備應有盡有。

唔少內地網民都表示好喜歡向太嘅House Tour，仲話多謝向太令佢「見識」更多，留言：「我了解富人生活的唯一途徑。」、「特别喜歡向太，感覺很大方得體。」、「好老婆，我老公說他想住九龍塘，我讓他快點睡覺，夢裏甚麼都有。」「 謝謝向太帶我見識了上流主社會的生活，喜歡你的真實。」

圖片來源：抖音