單文柔與老公掩肚合照疑懷孕？ 陳展鵬與小豬比聯手施壓追多個

現年45歲嘅陳展鵬2018年同細佢13年嘅單文柔奉女成婚，翌年單文柔誕下可愛囡囡Quinta(小豬比)，自此「三為一體」，展鵬早前北上開工都帶埋老婆同囡囡，相當溫馨！唔經唔覺小豬比已經3歲，日前陳展鵬post出同太太嘅合照，動作非常「可疑」，唔少人都問佢哋係咪成功為小豬比添細佬或者妹妹呀！

同場加映：  樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

尋日展鵬上載與單文柔嘅合照，留言︰「甜蜜，是來自兩個人的心連心。我們攜手走的每段路，都有著美麗的足印，期待……」相中見到二人用手掩住腹部位置，似足人哋影大肚相留念，因此唔少網民猜測佢哋造人成功，紛紛留言問佢哋係咪有好消費，仲講定恭喜呀！藝人朋友們都好期待佢哋再生一個可愛B，Bob留言整鬼佢哋：「打個茄輪，然後整多個先啦！」

{{hket:inline-image name="318341717_202066722282845_822646831303324058_n.jpg"}}{{/hket:inline-image}}

不過單文柔今日就澄清佢仲未「成功」，不過就畀囡囡老公夾擊「施壓」：「尋日好多人恭喜我哋，近呢段時間小豬比出街見到BB仔嘅時候都會衝過去攬住啲BB，講左好耐我哋無反應😂佢就直接將個公仔擺入肚度話自己生。而我都有留意到陳生係幾次報導上表示想生多個。我收到晒啦！不過可能我未夠努力啦，有啲圓潤，經常畀人誤會。我要再keep下fit ，我希望fit到影一輯靚靚泳衣相，我就會🤰🏼（再懷孕）啦。」有網民留言叫佢生多個先keep，唔使減兩次咁辛苦呀！

其實展鵬喺2021年已經「放風」表示想追多個，佢當時表示：「其實我同太太都真係諗過，阿女好懂性、算係乖嘅，生多個可以有人陪佢玩吓，有個細佬或細妹，將來佢又會識點去照顧人。」問太太是否Ready？他說：「佢驚我未Ready啫！」展鵬早前出席活動時，提及小豬比都好想做家姐，更催促佢同單文柔快啲生B，而佢亦多次提到與單文柔希望再生小朋友。

圖片來源：Instagram