李亞鵬細女正面首曝光似家姐李嫣 網民認錯嫩妻海哈金喜係王菲？

王菲前夫李亞鵬今年1月被影到，陪伴細佢19年嘅超模女友海哈金喜去醫院產檢，兩個月後李亞鵬於社交平台宣布BB出世，post出與海哈金喜捉實BB手仔嘅合照，同時公開多張與太太嘅婚照，證實海哈金喜已經平安產女，雙喜臨門。

同場加映： 樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

事隔9個月，海哈金喜終於再喺社交平台上分享一家嘅合照，並首次公開囡囡正面！相中見到李亞鵬一家去郊外，李亞鵬同老婆手拖手chok住擺pose，非常恩愛！海哈金喜post出囡囡嘅正面，可見囡囡眼大大勁可愛，似足同父異母嘅姐姐李嫣細個嗰陣咁精靈！

{{hket:inline-image name="2.jpeg"}}{{/hket:inline-image}}

其中一張相海哈金喜坐喺大草原上將囡囡「抱高高」，笑得非常開心，相信係由「神隊友」李亞鵬捕捉到呢個畫面，相當溫馨！不過唔少人都將重點放咗喺海哈金喜嘅外形上，指佢嘅側面同王菲好似，網民留言：「男人的審美觀貫徹始終」、「我還以為是王菲」、「長得太像王菲了吧！」好多人都大讚李亞鵬審美觀，指佢兩任妻子都咁有氣質；不過都有網民呼籲大家唔好將二人比較，免傷佢哋夫妻和氣。

李亞鵬一向都係出名嘅「女兒控」爸爸，而佢雖然再婚，但並冇忽略大女李嫣，之前同「前世情人」李嫣仲親密到惹起爭議。雖然李嫣現時喺海外求學，但李亞鵬仍不時分享李嫣嘅舊照，以解思念之情，相信第時細女同樣會被爸爸錫到燶呀！