蔡卓妍首度玩《獎門人》無懼濕身 麥秋成湯怡自嘲手腳不協調

蔡卓妍昨晚與林盛斌、湯怡、麥秋成、沈震軒和麥玲玲齊齊錄影《獎門人開心感謝祭》，六人組成「一Bob即中隊」，並以「五星戰隊」陣型出場，搞笑得來不失氣勢。

同場加映：樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

{{hket:inline-image name="fcd9e0de-ff92-44f3-a335-326fc315355e.JPG"}}{{/hket:inline-image}}

玩遊戲時，身型嬌小的阿Sa背住份量十足的阿Bob試食，她不停叫救命之餘又努力食，相當搞笑。麥玲玲背住沈震軒俯身試食，穿低胸裝的她豐滿上圍呼之欲出，「獎老」錢嘉樂不禁笑說：「玲玲帶咗兩個保齡球嚟玩遊戲。」

{{hket:inline-image name="39a56b12-9e68-4e47-b0ae-7db9e5a0779c.JPG"}}{{/hket:inline-image}}

首次上《獎門人》的阿Sa表示：「今次係阿Bob搵我嘅，佢話因為『獎門人(曾志偉)』叫佢組隊，佢就問我想唔想上嚟玩，話冇壓力，不過我上得嚟就盡量玩啦， （最驚邊個遊戲?)『淋雨』嗰個都幾刺激嘅，辣辣壽司我未試過，所以唔知驚唔驚，不過我就已經帶定幾套衫以備不時之需。」問阿Sa會否擔心被唧忌廉整花個妝? 她就說不怕污糟，總之享受成個節目便可，又笑言有事第一個推Bob出來頂住。

{{hket:inline-image name="0f2bce08-2a57-4c90-b227-51d75bfda448.JPG"}}{{/hket:inline-image}}

阿Sa透露聖誕會在內地與阿嬌(鍾欣潼)度過，但農曆年則留港。問到男友石恆聰可有陪她返內地開工？阿Sa笑言：「之前佢去過一次，不過依家去咗睇世界盃，(男友有冇投訴你成日陪唔到佢？ ）咁又無，佢識我嘅時候都知我成日要飛嚟飛去。」拍拖五年，阿Sa對這段感情充滿信心。另外，提到現時演唱會已陸續復辦，去前因疫情擱置的20周年演唱會會否重啟？她表示明年是Twins成軍22周年，都希望能開演唱會，會跟公司商討。

{{hket:inline-image name="4386bba6-db53-4918-b7a7-794dcecac3bf.JPG"}}{{/hket:inline-image}}

阿Sa又透露十月時曾帶媽媽到日本玩了幾天，她苦笑謂：「依家體力真係唔得，行兩日我已經想死，體力下降得好緊要，以前行成日都仲頂得住。」講到她更加應該有仔趁嫩生，她笑說：「我知，諗下啦，盡力而為。」

{{hket:inline-image name="3d137701-2e0e-4e56-a71e-198fd7a08b50.JPG"}}{{/hket:inline-image}}

湯怡與老公麥秋成夫妻檔上陣，湯怡自嘲反應慢兼手腳不協調，為此玩遊戲心情緊張。跳舞高手麥秋竟表示：「護花就一定會，不過我同樣手腳唔協調，但有Bob就搞掂啦。」兩人笑指十分樂意以夫妻檔工作。問到一起工作可擔心有拗撬？麥秋成笑說：「平時正常夫妻拗撬都會有，但係每次都係我認錯先，唔係返唔到張床瞓。」湯怡就笑說：「都係拗啲瑣碎事，係佢唔返房瞓咋。」提到聖誕將至，湯怡透露每年聖誕節都會影全家福，「每年都會寫聖誕咭畀個女，等佢大個睇」。

採訪：黃寶蓮