劉鑾雄甘比愛女超甜美似Chantel 劉秀樺何超欣青春無敵有貴氣

「大劉」劉鑾雄和甘比（陳凱韻）育有兩女一子，大女劉秀樺（Josephine）由媽咪爸爸手抱嘅時候已經喺公眾眼球下長大，唔經唔覺佢已經係一個14歲亭亭玉立嘅少女，近日佢傍住媽媽出席公開活動，甜美外形同「國民初戀」有幾分相似呀！

同場加映： 百萬同居計劃｜ 潔癖Anson Lo與曱甴共存頂硬上 Jer稱角色似卡通 同黃德斌齊爆肚

{{hket:ul-video id="7140"}}{{/hket:ul-video}}

日前Josephine同媽媽甘比一同到尖沙咀出席時尚活動，甚少出席公開活動嘅佢同時下少女一樣，去到邊都手機不離手，不停影相留倩影。Josephine由車上影到入升降機，媽媽甘比都非常享受，配合望住鏡頭擺甫士，驟眼睇兩人似足姊妹，非常合拍！兩人更與黎姿和賭王最美千金何超欣一同合照，四位美女共聚一堂畫面非常好睇。

{{hket:inline-image name="b8e03a636caddab73ada94e244bac3a1.jpg"}}{{/hket:inline-image}}

Josephine外形甜美，笑起上嚟同「國民初戀」姚焯菲（Chantel）非常相似，一樣咁得人喜歡！Josephine表面上同一般14歲少女一樣仲係一臉稚氣，不過由佢出世一刻已經係非一般。

Josephine爸爸大劉2015年贈位於渣甸山高士美道5號的豪宅（價值約4.6億港元）予愛女，2018年又將華人置業集團發展的「肇輝臺12號」樓盤名稱命為「秀樺閣」（Josephine Court）（價值約10億港元），非常愛錫女兒。而集萬千寵愛在一身的Josephine亦非常有生意頭腦，早喺10歲時就創業搞「鬼口水（Slime）」網店生意，不時拍攝玩各種「鬼口水」短片，吸引到不少同好追蹤，甘比仲幫女兒喺銅鑼灣皇室堡商場放置一部「鬼口水」自動販賣機，一年創下10萬營業額。