與新歡坐經濟艙被嘲麥明詩反擊 林作因「男人最痛」向盛勁為下戰書

「十優港姐」麥明詩 （Louisa）終於脫單，日前同前靚仔機師盛勁為候機期間被捕獲，二人情侶裝兼戴著同款口罩，背囊仲掛住同款烏龜公仔；入到了機艙後，麥明詩更毫不避忌挨喺男方膊頭入睡。麥明詩貼地坐經濟艙，竟然因為咁而被嘲「cheap」！麥明詩冇否認二人關係，不過就出story反擊刻薄網民，唔少人都好撐佢呀！

同場加映： 樊亦敏透過比賽增自信散發光芒 蔡國威林子超把握機遇「被看見」

{{hket:ul-video id="7144"}}{{/hket:ul-video}}

麥明詩在IG限時動態出po，在截圖上見到先有人說：「佢都要坐經濟位！」後來又有人回應：「又係喎，抵被人影咁都慳錢咁cheap！」EQ勁高的麥明詩留言：「係呀，我仲要用準備過期嘅Asia miles嚟換添！」不過仍然未有回應新戀情！

唔少人都撐佢坐經濟艙一啲問題都冇，反而係呢啲網民無嘢搵嘢鬧：「坐經濟位又話cheap，坐商務位又話港女，坐頭等位又話扮嘢」、「有錢人唔可以用平嘢嘅咩？」

{{hket:inline-image name="285527114_380645790548625_5450843654086322213_n.jpg"}}{{/hket:inline-image}}

另一邊廂，麥明詩舊愛林作就因為「男人最痛」嘅身高問題向盛勁為下戰書，因為佢被指矮183cm高嘅盛勁為20cm而非常不忿，佢留言：「本人正式身高為171CM，高過一般矮仔如167鍾賠生足足4CM, 不算矮仔！但事到如今，我唯有發出公開挑戰書：本人現向（我唔識佢，上網話佢做保險嘅）盛品儒（盛勁為）發出公開挑戰：上擂台打番場，睇下高挑鬼命嘅你定係好似阿根廷烈山度馬天尼斯嘅我好打啲！打贏我，我加入你團隊 。」林作又表示如果盛勁為輸畀佢，就要帶埋兄弟姐妹全部加入佢團隊。

其實麥明詩早喺2020年已經同當時參加《衝上雲霄大選》嘅盛勁為傳出緋聞。盛勁為當時不斷被追問同麥明詩嘅關係，而盛勁為表現輕鬆，表示：「我同麥明詩係朋友，講完！」被問到有冇請教麥明詩，佢嗰陣就話同對方嗰排冇咩聯絡，所以冇請教佢。佢表示唔介意被傳為麥明詩緋聞男友，斬釘截鐵話二人唔係拍拖，係朋友，當時都冇女朋友。

圖片來源：Instagram