資深藝人江富強早前獲頒發TVB長期服務金牌,花名叫「刀疤」的他表示入行已經30多年,前半段大多數在電影方面工作,而加入TVB就有20年時間,他曾加入動作藝員訓練班,之後擔任動作特技演員、助理指導及動作設計,最擅長擔任電單車飛車替身。由於他惡形惡相,不時都有客串電影的演出,而近年的電視劇大多數都是演壞人的角色。
同場加映:樊亦敏透過比賽增自信散發光芒 蔡國威林子超把握機遇「被看見」
【牛下女高音】TVB綠葉江富強捱足30年為養家兼職司機 曾被發哥抬上白車 背景估你唔到【下一頁】
江富強接受《晴報》訪問,他表示由於過往受過重傷,所以電影的動作指導會做,但龍虎武師太多危險動作就未必可以勝任,幸好轉做幕前有不少演出的機會。在劇集中經常演壞人的角色,他表示:「演壞人冇乜所謂,我哋係被動,演壞人就可以叫做駕輕就熟。不過監製陳耀全就好大膽,佢試過搵我做警察,我都駕馭到。(演咩角色最過癮?)交通警察,因為我本身鍾意鐵馬,機械對我嚟講完全冇問題!」
問到現實生活中沒有嚇怕街坊?他表示:「完全唔會,街坊個個都覺得我唔似,因為我對街坊好好,對面屋有個婆婆,得佢同個孫喺度住,附近街坊都知道我成日幫佢拎嘢、閂門、收衫等等,有時我做完義工返嚟會送嘢畀佢。有次商場見到老人家,見佢行路唔方便就行去,本身諗住扶佢落電梯,後來都係唔好喇,直接孭佢落去!」他表示雖然已過花甲之年,不過仍然不斷增值自己,報讀電工、維修等等的課程,學到老做到老,希望TVB可以繼續用他。
【反黑路人甲】王浩信重演《喜劇之王》外賣仔 被譚詠麟點名讚似周星馳加黃子華【下一頁】
至於同場的鄭麗麗是《櫻桃小丸子》中,為小丸子配音的專屬配音員,她獲頒30年長期服務金牌,她表示單是小丸子的角色都已經25年,她感恩在自己事業生涯中,有一個代表作的卡通人物,「好可惜小丸子作家離世,不過而家卡通仍然繼續播,我都繼續為佢配音,好開心大家聽到小丸子把聲就記起我。」她表示《好聲好戲》兩季節目中,讓不少觀眾認識到配音員,她說:「其實一直以來都有好多人對配音有興趣,不過節目出街之後,大家更加了解到做配音員一啲都唔容易。」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
撰文:楊安莉