U Beauty Awards 2022丨周勵淇勤力護膚養生保廿年不老 《百分百感覺》合體拒演姜濤母親

今日一眾藝人出席U Beauty Awards Ceremony，「U Beauty Awards 2022」由《U Beauty》主辦，《U Lifestyle》、《U Magazine》及《晴報》協辦的，各奬項候選名單由U Beauty編輯選出，最後由讀者投選出Best for U的護膚及美妝好物，善待自己的肌膚與身體。

同場加映：  炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

{{hket:ul-video id="7022"}}{{/hket:ul-video}}

出名皮膚白滑嘅周勵淇（Niki）就獲《U Beauty 美肌之最大獎》講到護膚心得，得天獨厚嘅Niki表示部份可能係因為自己有上海人基因，要多謝父母，不過佢都強調後天功夫都唔可以偷懶：「養生好重要，由內到外，我都有拍YouTube Channel分享，因為太多人想知，而家工作節奏慢咗，公司同事就建議我拍片分享生活方法。除咗美容，生活包括嘅嘢我都想分享，唔係淨係化妝護膚囉，嚟緊希望大家鍾意就同我講下想我做啲咩（題目）我都好樂意share。我護膚嘅step都幾多，要好就唔可以懶，個人就鍾意用gel狀護膚品，同埋清潔、防曬，離不開呢啲……嚟緊想分享啲食療，食啲咩對女性子宮、內分泌（有好處）。」

{{hket:inline-image name="316476295_369208038736826_8843114572272293621_n.jpg"}}{{/hket:inline-image}}

原來Niki早喺廿幾歲嘅時候已經研究一啲養生食療，講起嚟非常專業：「其實我好鍾意（研究），好鍾意睇一啲中藥書籍,入行4、5年之後身體開始好差，亂食嘢、捱夜、食無定時、睡眠不足，咁就好多身體毛病，就開始接觸養生。」Niki一手包辦家人飲食，佢除咗睇書仲有上網參考，對囝囝健康亦非常緊張：「零食都暫時未畀佢食，我哋喺正常食物吸收好多糖，炎症都係因為糖份。」

幸好Niki對零食都冇「渴求」：「佢未接觸過咪唔知，佢好多嘢都未接觸過，上次去主題公園佢都好驚，原來世界有咁大嘅公仔。我慢慢……唔好一次過掉晒畀佢，食嘢都係。依家都係屋企食飯多，就算出街我都帶飯畀佢食，工人姐姐都係輔助我清潔，湊都係自己湊。」

另外，Niki表示同方力申、陳曉東嘅《百分百感覺》經典組合明年有望開騷或者開戲：「我哋3個都唔抗拒，我哋都一把年紀,可以有啲嘢發生下，集體回憶。我真係鍾意拍戲多啲，有信心啲，啱啱今年好榮幸拍到3套電影，感覺市道真係復甦，都幾開心。開頭有啲唔習慣，覺得捱夜真係好辛苦。」

講到希望《百分百感覺》加入啲咩「新血」，Niki點名提到Anson Lo、王丹妮同姜濤等等，表示都非常希望同佢哋合作，講到姜濤年齡細到可以演Niki仔仔，Niki即刻搞笑落閘：「唔得！喂，我唔介意姊弟戀……哈哈哈，韓國啲戲好興，你寫到啲人接受冇嘢冇可能，同丹妮就做姊妹，所以我盡量keep到自己後生先。」Niki廿年不老，相信同姜濤做情侶都冇違和感！

衛詩雅（Michelle）就獲得「U Beauty 美容達人大獎」，上周38歲生日嘅佢表示生日願望係到外地過白色聖誕：「呢排好好彩，都幾多廣告代言，拍埋廣告就可以去旅行，但未諗去邊度，機票都未買。（男伴陪玩？）唔一定有男伴，最緊要放假。我唔心急拍拖，隨緣啦！（多人追？）正常啦，睇下先！」叫好友陳家樂介紹男仔？她笑說：「無用㗎佢，我介紹畀佢識就差唔多，不過佢唔使啦，就嚟結婚。佢邀請我做兄弟團，我話『你啲兄弟質素麻煩高少少』，但我哋全部都識。」