將住所門匙交給「四大長老」是否好事？一名新抱發文訴苦，指夫婦倆一直未有生育，奶奶便偷偷帶師傅上門睇風水，聽信對方「無生仔」因為傢俬擺位，將全屋反轉如同打仗，令事主感到不滿，無奈嘆道「其實生唔到係我哋有避孕呀奶奶」，事後更憤而請人換鎖。
同場加映：
管家王︳行李篋封塵「轆王」傳授爛篋自救法 6招保養1小時極速救篋
生育問題︳結婚4年無所出，被老爺奶奶逼離婚，老公一個反應令人妻嘆︰被離婚很不甘心，詳情即睇：【下一頁】
一名女網民日前在「香港討論區」中發帖，表示奶奶之前一直催她和丈夫生小朋友，夫婦倆以將會買樓、二人都要上班、無人照顧子女為由，稱2年後才考慮生兒育女，以為可打消奶奶「催生」念頭。
奶奶帶風水師上門
由於奶奶有其住處門匙，不時會上門幫手買餸、執屋。日前奶奶預告會上來，本以為只是上去執拾，未料丈夫回家發現，原來奶奶暗中帶風水師傅上門，
「個風水佬同我奶奶講，係因為間屋啲擺設有問題，所以我哋先生唔到小朋友。其實生唔到係我哋有避孕呀奶奶！關咩擺設事呀？唔係唔尊重，但我理解唔到點解改吓擺設就可以改運。」
家居凌亂如打完仗
風水師傅指事主的睡床擺放方位有問題，會影響夫妻情緒，故帶同兩名徒弟上去幫忙「執位」，事主丈夫形容整間屋「好似打完仗咁亂，一行入去覺得好唔舒服」，著事主回家後幫手清理。
事主坦言當初已不想將門匙交給奶奶，但奶奶擔心兩夫婦會遺失門匙，便提出替他們保管一條，又能幫手執屋，事主丈夫認為老人家無事可做，亦不欲奶奶周圍去，便交出門匙。
請師傅換指紋鎖
事主強調自己一直很尊重奶奶，然而對方態度越來越惡劣，心情不好更會打電話給她「鬧我兩句」，又會批評她少煮飯。事主亦不滿對方平日會「失驚無神」上門，今次更擅自帶陌生人入屋，對於丈夫未有勸阻亦感到不滿，「除咗叫我返去執間屋，可唔可以叫埋你阿媽唔好再搞我屋企？好話唔好聽，如果佢哋係賊偷咗嘢咁點算？我係咪應該告我奶奶？呢個世界上到底有冇奶奶係唔煩㗎？」
經過此事後，事主翌日即請假請師傅上門換上指紋鎖，儘管丈夫稍有微言，但她堅決不讓奶奶保留鎖匙，
「我老公仲鬧我點解要換鎖？佢同佢阿媽講唔好再搞呢啲嘢咪得，如果你講係有用嘅話，你阿媽就唔會越整越過分啦。可能我多心啦，我覺得奶奶自己有配條後備，連鎖都換埋就一了百了。」
網民：同奶奶保持一定距離
不少網民看到帖文後，指新抱應跟奶奶保持適當距離，認為事主奶奶經常擅自上門有問題，故認同事主立即換鎖的舉動。有網民則建議她跟奶奶溝通清楚，讓對方知道兩夫婦的計劃，而事主兩夫婦亦應建立好共識。
↓ 點 擊 圖 片 放 大 ↓
- {{hket:inline-image name="WhatsApds.jpeg"}}{{/hket:inline-image}}
- {{hket:inline-image name="WhatsAp2e.jpeg"}}{{/hket:inline-image}}
- {{hket:inline-image name="Whatef.jpeg"}}{{/hket:inline-image}}
- {{hket:inline-image name="Whatwef.jpeg"}}{{/hket:inline-image}}
- {{hket:inline-image name="WhatsAsdc.jpeg"}}{{/hket:inline-image}}
- {{hket:inline-image name="Whatswqd.jpeg"}}{{/hket:inline-image}}
- {{hket:inline-image name="WhatsAfd.jpeg"}}{{/hket:inline-image}}
- {{hket:inline-image name="WhatsApsdv.jpeg"}}{{/hket:inline-image}}
- {{hket:inline-image name="WhatsApq.jpeg"}}{{/hket:inline-image}}
- {{hket:inline-image name="WhatsAppsdv.jpeg"}}{{/hket:inline-image}}
家家有本 ︳難耐老人院生離死別，轉行任陪月學做「開明奶奶」，詳情即睇：【下一頁】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
每朝索取《晴報》：精明生活．健康家庭．開心娛樂