蕭正楠1月開騷擬邀黃翠如表演必殺技：努力游說緊！

蕭正楠、菊梓喬（Hana）及馮允謙等今日錄影《勁歌金曲》，歌手出身的阿蕭相隔廿年再上《勁歌》，他表示：「其實2002年攞咗新人獎之後都冇再上《勁歌》，依家唱歌嘅心態係享受、唔再緊張。」他坦言入行是受爸爸影響，「爸爸係卡拉ok之王，如果佢仲在生一定參加《中年好聲音》。」

同場加映：岑麗香獲大仔英雄救美讚Man爆 未敢再生B：怕自己處理唔到

{{hket:ul-video id="7102"}}{{/hket:ul-video}}

{{hket:inline-image name="E3.jpg"}}{{/hket:inline-image}}

提到與區永權及音樂人伍仲衡將於明年一月舉行演唱會，蕭正楠透露門票銷情相當理想，預售門票幾乎售罄，笑言要全靠太太黃翠如努力向親友推銷，希望反應好有機會加場。問到是否已說服老婆上台獻聲？他笑說：「依家仲游說緊，大家都知唱歌係佢必殺技。」

{{hket:inline-image name="e2.jpg"}}{{/hket:inline-image}}

{{hket:inline-image name="E5.jpg"}}{{/hket:inline-image}}

{{hket:inline-image name="edwin.jpg"}}{{/hket:inline-image}}

此外，菊梓喬(Hana）之前到美國登台，在當地逗留10多日，工作之餘亦趁機旅遊，她說：「今次去咗LA同埋拉斯維加斯，我第一次玩老虎機，贏咗300蚊美金，即刻請大家食飯。」

{{hket:inline-image name="hana.jpg"}}{{/hket:inline-image}}

剛度過生日的她表示願望希望自己及身邊人都開心和健康，問到緋聞男友吳卓羲有何表示？Hana聞言後一直甜笑，表示對方有跟她說生日快樂，但無送禮物，被追問緋聞時，Hana只顧住笑，並表示：「我真係好熱，出晒汗，搞到我唔識答，唔知點樣講。」有傳她早前到在內地開工的吳卓羲，對此她沒有正面回答，只表示返內地期間遇上封城，杭州及深圳都被封，整日足不出戶。

撰文：黃寶蓮