大灣仔的夜丨周柏豪「不扣鈕的男孩」騷巨胸腹肌 網民質疑畫陰影：肌肉真實存在？

現年38歲嘅「大灣仔」周柏豪日前於內地社交平台上載3張爆肌相，喺內地人氣非常高嘅佢引嚟唔少fans留言。不過喺內地節目就從來都冇試過赤裸上身示人，有人質疑佢「造假」，當正佢係琴操姑娘，要「驗明正身」咁話呀！

同場加映：岑麗香獲大仔英雄救美讚Man爆 未敢再生B：怕自己處理唔到

{{hket:ul-video id="7102"}}{{/hket:ul-video}}

柏豪post咗3張「若隱若現」嘅肌肉相，穿上黑色長褲，着長袖恤衫，做「不扣鈕的男孩」，留言：「最近每天都看世界盃，太亢奮了，但是晚上看球賽，日間又要工作，睡眠嚴重不足。今天天氣有點冷，所以工作時候我要求了多穿一件襯衣。」

{{hket:inline-image name="007rEuAKgy1h850qtpdfkj30u0190791.jpg"}}{{/hket:inline-image}}

柏豪留言一出，即刻引嚟粉絲無限遐想，指工作人員辦事不力，有損佢哋「福利」，網民留言：「這肌肉真實存在的嗎？我不相信，除非你過來給我摸一下」、「胸是真大，緊繃」；又有粉絲以為佢啲肌肉係「加工」上去，「以為是畫的」、「我以為裏面穿了一個肥仔（胡慧沖）之前穿的腹肌衣服，原來是真的」。

其實柏豪身型健碩都唔係今日嘅事，佢入行前係香港籃球青年軍，運動已成習慣，每星期都要去跑步、打波及做gym從來唔覺得辛苦，而係享受；演唱會籌備期間，一星期做足7、8次健身。柏豪曾經喺教練指導下，由拉筋到器械，再以泰拳來鍛煉肌肉。佢指泰拳在操練中最具成效，每次打拳的一呼一吸，充滿能量，進入高度集中狀態，很快就練出腹肌，繼而浮現馬甲線。

運動以外，恰當嘅健康餐單亦好重要，柏豪曾經分享健身餐盒，主要為沙律及白烚雞肉、三文魚。佢話最難唔係做運動，而係控制飲食，喺香港時，太太會用慢煮方法，煮出保持肉汁鮮味又清淡嘅食物。

撰文：黃蘊姿