票房衝破三千萬的電影《正義迴廊》不斷舉行謝票,由由四蟲4bugssss、三座一台創作社合辦的藝術分享專場,日前在高先電影院一連兩場舉行。《正義迴廊》的主創導演何爵天,演員蘇玉華、楊偉倫(阿卵)、麥沛東(阿東)到場與觀眾分享感受。同時,阿東自資,明年公演的舞台劇《各位起筷》,演員梁嘉進、陳嘉威、巢嘉倫,以及阿卵執導的舞台劇《暫時沒有名字》,主演的張蔓姿、劉曉樺、吳銳民、李煥林、張毓軒也有到來參與活動,觀眾十分驚喜,完場後排長龍與眾人合照,場面熱鬧。
同場加映:岑麗香獲大仔英雄救美讚Man爆 未敢再生B:怕自己處理唔到
分享會結束,麥沛東與師姐蘇玉華接受訪問,對於是晚有不少舞台劇界朋友來捧場支持,兩人十分開心。阿東表示︰「事緣我同阿卵,各自都有舞台劇演出,阿卵喺《暫時沒有名字》會做導演,我就主演兼主辦舞台劇《各位起筷》,林尚德同時係呢兩齣劇嘅監製,所以大家忽發奇想不如包場,亦好開心邀請到師姐蘇玉華來分享會,講吓演員如何處理舞台劇及電影。」
正義迴廊│翁子光動用買樓首期開戲 邊個「K先生」做白武士借錢圓夢?【下一頁】
正義迴廊丨蝦頭戲中戲蘇玉華做大狀有張力 改編「肢解父母案」雲集實力演員【下一頁】
蘇玉華見到不少演藝學院的師弟妹,她興奮說︰「好開心出席分享會,藉着電影《正義迴廊》,觀眾跨媒體認識舞台劇演員,真係好開心。劇界真係有好多好出色,好有能力嘅演員,佢哋喺舞台表演揮灑自如,獨當一面,當遇到機會發揮,好似阿東、阿卵在電影精彩的演出,劇界臥虎藏龍。今次阿東擔任舞台劇主辦,阿卵又導演另一齣戲,希望大家支持佢哋。」回想自己當年從香港話劇團,進入電視圈拍電視劇,蘇玉華稱︰「同樣,我希望藉《正義迴廊》帶動到電影觀眾去睇佢哋劇場演出,有觀眾觀賞同欣賞係演員最大滿足感。」
蘇玉華期待與阿東在舞台上合作,「隨時可以埋位,因為大家同一個阿媽生(演藝學院畢業),花咗幾年功夫去學習,經過好多排練同累積演出經驗,大家都知對方嘅能力,有機會走埋一齊係一件好幸福嘅事,令人期待。」阿東興奮表示︰「再合作梗係好,我都想同阿蘇、阿燦(潘燦良)合作,電影同舞台劇好唔同,兩個月日日對住排練,十幾日演出,一定產生好唔同嘅化學作用。」阿東於12月小登科,早前憑《正義迴廊》摘下《香港國際電影節》「新秀電影競賽(華語)」最佳男演員獎,可謂雙喜臨門。蘇玉華笑指他喜事連連,原來舞台劇《各位起筷》票房理想,阿東說︰「我係有壓力,因為今次係自資,而家得番少量飛,希望大家鍾意。」
此外,阿卵與演藝學院師妹兼新晉歌手張蔓姿(Gigi)接受訪問,後者說這晚見到不少演藝的師兄師姐,十分開心。在旁的阿卵笑指︰「Gigi點可以唔嚟支持?我哋排緊一套戲,我係導演,佢係演員,我強迫佢嚟!」阿卵搞笑地擺出導演款「兇」她,「排戲時,我惡唔惡呀?」Gigi見狀忍不住邊笑邊說︰「你排戲唔惡,我覺得幾好玩,阿卵唔會令我哋覺得好大壓力,反而好放鬆咁去做,仲可以玩多啲嘢。」阿卵指︰「所以緊張留番畀我自己!」
Gigi在導演阿卵身上學習到什麼?她說︰「為舞台劇《暫時沒有名字》排戲時,學到節奏感,唔使太急,慢慢去感受,希望套戲好睇,帶到驚喜畀觀眾。」阿卵再度發揮搞笑本色,「我自己就覺得好好睇,希望觀眾嚟睇,1月13至15日同BLACKPINK撞咗時間,不過都會叫BLACKPINK嚟睇,多謝支持。」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
撰文︰王連連