蔡少芬張晉舉家回流香港生活 曾歷封城之苦放棄上海3000呎豪宅

現年49歲嘅蔡少芬（Ada）2008年嫁內地男演員張晉，誕下兩女一子，近年Ada於內地發展順利，去年舉家移居上海，落地生根。不過有消息指，原來佢哋五人之家於月前上海解封後，已「回流」香港生活。

同場加映： 炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

{{hket:ul-video id="7022"}}{{/hket:ul-video}}

據知佢哋放棄上海市中心嘅豪宅單位，該單位月前於網上放租，地產經紀講到明Ada一家已搬走，租客可以即時入住。日前Ada於社交平台分享家庭生活近照，見一家去到大嶼山郊遊享天倫，留言：「其實開心好簡單，最緊要好玩！」似乎好快就適應香港嘅生活。

{{hket:inline-image name="WhatsAp.jpeg"}}{{/hket:inline-image}}

據網上資料指出，Ada喺上海所住嘅翠湖天地御苑位於市中心優越地段，單位係複式設計，面積達324平方米（約3490平方呎），共四房、兩廳、四衛浴，傢俬家電齊備，屋內裝修豪華，非常闊落。廳中間擺放L型梳化、木製茶几，加埋個大露台。而每間房都設落地窗，廚房就以白色櫥櫃為主，洗手間亦有圓形大浴缸。

Ada曾經表示，自己剛到上海時咩都唔識，幸好獲孫儷幫忙，對方不但為佢介紹鋼琴老師，更送菜送雞，令佢大為感動。Ada指內地生活便利，外出以「網約車」同共享單車代步，又可以上網購物，表示：「好得沒得再好了！」然而佢剛剛適應之時就遇上疫情封城，隨着上海解封，一家人原來已經搬到香港。

撰文：黃蘊姿