《第四屆KKBOX 香港風雲榜》昨晚盛大舉行，MIRROR因姜濤腳傷缺席，以11人上陣表演，他們獻唱《We All Are》時，成員盧瀚霆（Anson Lo）更聲淚俱下轉身痛哭，多名成員亦因而感觸落淚。而陳卓賢（Ian）首次開腔回應跟女友盧慧敏（Amy）分手一事：「Amy係個好好嘅女仔。」
同場加映：炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌
陳卓賢盧慧敏爆「分」訊 認2年情斷再見亦是朋友【下一頁】
《第四屆KKBOX 香港風雲榜》的風雲歌手得獎人昨晚出席音樂會，張敬軒因工作撞期，而Dear Jane臨時抱恙未能出席。MIRROR派出Anson Lo打響頭炮，以勁歌炒熱全場氣氛，之後有柳應廷（Jer）接力獻唱。「Ianson」組合陳卓賢、AK江𤒹生首度合體唱《黑之呼吸》更令全場瘋狂。壓軸登場的MIRROR因姜濤缺陣唔齊人，仍然賣力獻唱《lnnerspace》及 《Boss》。最後他們唱出新歌《We All Are》，由於他們首次獻唱新歌，加上歌詞是他們在演唱會事故後的心聲，令場面非常感人，其中Anson Lo聲淚俱下轉身痛哭，Jer上前送抱安慰，之後多位成員亦感觸落淚。
完騷後，MIRROR 11子接受傳媒訪問，提到多位成員感觸落淚，隊長Lokman表示：「唱呢首歌的確係有啲感動，始終我哋都有段時間冇上咁大舞台，所以唱呢首歌嘅時候有少少激動。」提到當中以Anson Lo最激動，他尷尬表示：「自己都唔清楚，首次公開獻唱呢首歌令自己想起好多，加上呢首歌係答謝粉絲同埋支持嘅觀眾，呢幾個月都辛苦大家，係牽涉所有單位、所有人，所以一時忍唔住，我都好抱歉。」Stanley坦言每次聽這首歌都特別感觸，加上受台上台下的氣氛感染而忍不住流下男兒淚，Jer表示今次11個人上舞台，感觸得來亦很感動，可惜獨欠姜濤，也得知對方有睇IG支持兄弟，希望待他康復後可以齊齊整整12人表演。
陳卓賢出新歌包辦曲詞編監 叱咤記招改期MIRROR延後合體【下一頁】
昨日突然有消息傳出Ian和Amy金手，兩年情告終，Amy火速回應承認回復單身，而Ian都大方回應，稱︰「多謝大家關心，而家我同Amy仍會以朋友身份支持對方，其實平時好少講私人事，始終係兩個人嘅事，多謝大家關心。我唔想講太多，唯一想講嘅係Amy係個好好嘅女仔，希望大家畀空間佢，唔好畀咁大壓力佢。（現時心情如何?）專注番工作，工作以外仲有好多事要處理，唔想將私人情緒帶到工作上。（兄弟有冇幫你分擔？）私人事一向好少講，感情事始終係兩個人嘅事，應該尊重對方，佢都未必想兩個人嘅事畀其他人知道。我都有啲唔好意思，私人事佔用公眾資源，要大家聽我講呢啲....」身後的Jer隨即表示會支持他。兩年情就此結束會否感可惜？Ian坦言：「當然係可惜，大家經歷好多，但商量過後和平地，有共識地作出呢個決定。」另外，提到日前舞者發出一封公開信，Lokman就以事件正進入法律程序不便回應作交代。
古巨基與Edan合唱《飄流教室》而來到亞洲國際博覽館，笑言自從囝囝出世，已幾年沒有做訪問，感覺彷如隔世，他透露預計明年再踏舞台，直至Edan找他，笑說：「後來花姐又搵我，我問個仔，Daddy同Edan哥哥唱歌好唔好？佢話good。」Edan笑言︰「要多謝古Sir兒子，先能夠請對方出山，相當榮幸。」身旁的基仔同時認老貓燒鬚，第一句歌詞唱錯了，對整體表現仍覺ok。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：黃寶蓮
責任編輯：楊安莉