港姐冠軍林鈺洧疑流出情慾片 無綫報警求助急發聲明警告造謠者

日前有人向傳媒兜售聲稱係應屆港姐冠軍林鈺洧嘅性愛短片，更表示有「足本版」在手。林鈺洧（Denice）受訪時即時否認，無綫已報警求助，捍衞林鈺洧個人及港姐形象，急發聲明指責造謠者。

同場加映： 聲夢傳奇丨Chantel與Aska破11年代溝攜手開騷 預告有驚喜必殺技 阿寶做嘉賓？

{{hket:ul-video id="7027"}}{{/hket:ul-video}}

有人向傳媒兜售影片，稱：「內部消息，今屆香港小姐冠軍林鈺洧迷姦實錄。」兜售者提供一條短片，片女人半裸與一名男性親熱，兜售者更聲稱有「足本版」在手。Denice睇完片段後淡定回應：「一睇就知唔係我啦！」直言知道造謠者幕後黑手係邊個，而無綫得悉她無辜捲入桃色醜聞後，認為事態嚴重，非常影響佢及港姐形象，故已報警求助，電視廣播有限公司企業傳訊部發聲明如下：

「無綫電視就網上懷疑流傳藝員不雅影片一事作回應 （2022年11月25日—香港訊）就近日網上流傳的一段不雅影片，本台（電視廣播有限公司）特此聲明與應屆香港小姐冠軍林鈺洧小姐完全無關。 本台與林鈺洧小姐就此含有惡意、誹謗及虛假成份一事經已向警方報案跟進， 如日後有關惡意明示或暗示不雅影片中人為林鈺洧小姐，本台及林小姐不排 除採取進一步法律行動。 」

Denice奪得港姐冠軍後，一直爆出黑材料，佢一概否認之餘，直言對爆料者身分心中有數，望對方收手，停止一切抹黑行為。估唔到對方變本加厲，以「假」性愛短片毀其名聲，周圍兜售圖利。

{{hket:inline-image name="200492741_341052274073953_8624436857828512110_n.jpg"}}{{/hket:inline-image}}

Denice自當選以來是非不停，選美之初被翻舊帳，佢之前喺ViuTV節目《對號入座》中大膽談性史，佢當選港姐冠軍後表示：「已經過咗去，希望大家集中我未來一年嘅港姐工作。我以前細個，工作關係有啲嘢要講，其實節目係講星座，唔係關於嗰方面。（畀人話你係性女冠軍，會唔會尷尬？）時間沖淡一切，嚟緊我會履行港姐職責。（唔擔心影響港姐形象？）我行得正企得正，我係正直嘅人，冇做缺德事。（之後慎言？）當然，今次上咗好大一課，冇諗過身為公眾人物，講句說話會last咁耐。（有冇後悔上呢個節目？）唔後悔，每個節目都訓練到自己唔同方面。」

隨後又傳出Denice欠下卡數逾50萬元，參選港姐只為博得獎金填氹，又傳出佢去情敵嘅工作地點「找晦氣」；就連父親林俊賢都爆出是非，為咗愛女嘅身世背景同前妻發生罵戰，夾喺二人中間嘅佢慘成磨心。Denice身世坎坷，當初同父親相認時，要求佢驗DNA，比唔少電視劇情節更加「狗血」。

撰文：黃蘊姿