勁過台慶丨麥明詩畫廊挑戰性感極限「讓半球」 男友人「紳士眼」：唔知望邊咁囉

今年30歲嘅「十優港姐」麥明詩雖然已退出咗娛樂圈，但大家都仍然非常關心佢動向，人氣仲勁過好多仲喺「線上」嘅姐仔！尋日麥明詩去到畫廊參與競投，成功投得一幅心頭好，喺佢簽收一刻被佢男友人「KOL渾水」影低，而最搶fo嘅就係佢「極限性感」嘅裝束，引起熱烈討論！

同場加映： 聲夢傳奇丨Chantel與Aska破11年代溝攜手開騷 預告有驚喜必殺技 阿寶做嘉賓？

{{hket:ul-video id="7027"}}{{/hket:ul-video}}

麥明詩早前被網民指身形脹咗唔少，佢亦都直認自己唔使出鏡之後的確係增咗磅；不過唔少人都力撐佢依家豐滿身形更加健美。尋日佢就作出無聲「抗議」，大曬佢升咗cup咗豐滿身材。麥明詩當日悉心打扮現身畫廊，全妝上陣加一把微鬈長髮，極具女人味，非常隆重。

{{hket:inline-image name="273889297_328714025692794_4627880557956866748_n.jpg"}}{{/hket:inline-image}}

麥明詩一件黑色心口開窿上衣最為誇張，「南北半球」都露出，性感刑網民暴動。佢嘅KOL友人「渾水」就留言為麥明詩解釋因乜要去到咁盡：「恭喜麥明詩小姐 成功在Para Sit 競投 William Lim嘅作品，她說 - 今次大會主題係 @chanl_apl_ap 的泳池，所以她的打扮是尊重大會，我冇咁大膽，我着晒成身藍色就算。」

麥明詩自離巢後言論同衣著打扮都愈見大膽惹火，我行我素嘅佢比以前睇起嚟更自在，不過佢每次出post都幾乎會引圯激辯。今次好多網民都大讚佢呢身裝束索到爆，更表示佢應該多啲派福利，世界都會和平啲。不過都有人自覺唔識欣賞，認為性感得嚟美感欠奉：「咁似著住件情趣內衣加浴袍。」、「在場好似冇人着到咁誇張。」

更有網民口出惡言批評麥明詩「Cheap」：「讀到十優又點，咪又係拋胸，使咩讀書？問題係可唔可以拋得高貴啲，咁樣好Cheap！」麥明詩就親身回應，不卑不亢盡顯佢嘅十優智慧，寸得嚟仲好有教育意義：「當然要讀書啦，讀咗書多啲選擇，賺到錢養自己同家人，到時鍾意拋又得，唔拋又得！」