前主播許方輝鬧市攬女再被斷正？ 親揭與老婆陳佩琳婚姻狀況

無線前主播許方輝今年6月被影到於天星渡輪上疑似同一名女子行為親暱，網民指女主角係一位有線女主播，而非其太太。當時正係佢辦工時間，又「蛇王」又背妻攬女，要即時休假「避風頭」，兩日後許方輝以家庭理由請辭「有線新聞及公共事務副總經理」一職，後重返無綫新聞部。

同場加映：聲夢傳奇丨Chantel與Aska破11年代溝攜手開騷 預告有驚喜必殺技 阿寶做嘉賓

{{hket:ul-video id="7027"}}{{/hket:ul-video}}

事情似乎已經告一段落，但噚日網上再瘋傳兩張照片，相中男子與一名女子搭肩，喺旺角一家商場現身，指該男子係許方輝，再生偷食疑雲。

{{hket:inline-image name="2.jpeg"}}{{/hket:inline-image}}

細看兩張照片，許方輝與一名女子，喺下午於旺角一個商場內，男方穿上西裝，而身邊女子則着上黑色套裝，低調情侶裝！許方輝右手搭着女子肩膊，非常親密。不過許方輝本人好快就「解開謎團」，指佢身旁女子係太太，即是前亞視新聞主播，許太陳佩琳。經過咁多風風雨雨，夫妻關係未有受影響，依然出街拍拖，狀甚恩愛。

今年6月時，即許方輝被指在天星渡輪上攬女後，他即時被時任工作公司有線電視要求休假，其後黯然離職。直至早前，許方輝重返無線電視新聞部，負責編輯組工作，範疇包括審視港聞新聞稿、排版及協助外國新聞選材等。

撰文：黃蘊姿