伍詠薇甫重P自拍好友遭殃 衛詩雅面形扭曲慘變羅茲威爾

現年53歲嘅伍詠薇早前同衛詩雅喺Viutv拍攝新目節時碰頭，二人好友聚舊指定動作自拍一番，不過伍詠薇疑似太重手P圖，搞到衛詩雅「變形」，網民都忍唔住留言話佢「美顏太誇」。

同場加映： Chantel與Aska破11年代溝攜手開騷 預告有驚喜必殺技 阿寶做嘉賓？

{{hket:ul-video id="7027"}}{{/hket:ul-video}}

{{hket:inline-image name="315860745_674150237580447_175349943212276207_n.jpg"}}{{/hket:inline-image}}

伍詠薇日前將佢同衛詩雅嘅自拍合照Post到社交平台，留言：「早兩日去咗錄影一個新節目做嘉賓，咁啱遇上好耐冇見嘅詩雅妹妹，即刻嚟個自拍⋯⋯自從喺電視劇『嘆息橋』合作過之後就冇見面，見到面大家都話好想一齊再合作，期待呢個機會呀小美人！」

不過仔細一睇，發現衛詩雅面形奇特，似足外星人「羅茲威爾」，顴骨同蘋果肌位置闊到唔合理，去到下巴位置又尖到拮死人，比例非常奇怪！不過就咁睇相似乎係由衛詩雅揸機，唔知係美顏效果開太大，定係事後加工，先會令到衛詩雅咁「異常」，而衛詩雅本人都冇喺社交平台發佈呢一輯合照。唔少網民見到都話其實二人本身都好靚，唔使靠後天加工，自自然然反而更加好睇。