余德丞世界盃開幕蝦碌被插悶蛋 擔任無綫奧運主持被激讚反差大

四年一度嘅世界盃噚晚開鑼，今屆揭幕戰為主辦國卡塔爾對厄瓜多爾，由ViuTV直播開幕禮兼揭幕戰，余德丞（Dickson）有份主持兼旁述。不過曾擔任體育記者嘅佢未知係咪因為首次主持世界盃太緊張而有「蝦碌」。余德丞不慎報錯資料，又被網民批評「悶蛋」，同早前奧運時被盛讚表現極大反差。

同場加映：超能使者丨陳山聰多產又高質成視帝大熱 黐家全因老婆：後生梗係出去玩

{{hket:ul-video id="7025"}}{{/hket:ul-video}}

噚日開幕禮上眾舞蹈員表演1998年法國世界盃主題曲《La Copa De La Vida（The Cup of Life）》，主持余德丞不慎將歌手Ricky Martin講成Robbie Williams，雖然相隔數分鐘後已作出糾正，但到揭幕戰講波時段，余德丞被網民喪插表演差。由於同場另外仲有陳葦如、鄭兆聰兩位評述員，余德丞不時發問帶動討論，不過就被網民嫌棄佢「奄悶」，批評佢唔識搞氣氛。

{{hket:inline-image name="312454975_175580261720549_5040019772765132671_n.jpg"}}{{/hket:inline-image}}

不過都有唔少人撐余德丞，表示係場波本身悶，而唔係佢問題；而余德丞自己都非常謙虛，喺賽事結束後於限時動態表示：「第一次合作多謝大家包容」。

余德丞為前無綫藝員，2016年獲無綫派到巴西採訪奧運盛事，入行前係香港游泳代表隊嘅佢主力負責採訪游泳項目，成功訪問多位中國泳手，包括孫楊、傅園慧及葉詩文等，以及一眾港隊泳手，為觀眾直擊泳手完成比賽後第一時間的反應及感想，更獲網民大讚佢好口才不俗及做足功課！至於2021年日本奧運余德丞被安排留守香港錄影廠，同樣被大讚反應夠快同體育知識豐富唔失禮，評價同今次喺ViuTV講波有好大反差。